Mga Kard sa Kasaysayan sa Simbahan

Guntinga ang mga kard, pil-a diha sa tuldok-tuldok nga linya, ug i-tape kini aron masirado.

Jane Manning James

1822–1908

“Nagpadayon kami sa among panaw … nga nagmaya, nanganta og mga himno, ug nagpasalamat sa Dios.”

James Goldberg, “The Autobiography of Jane Manning James,” Church History, Dis. 11, 2013, history.ChurchofJesusChrist.org.

Mipasakop siya sa Simbahan didto sa Connecticut, USA.
Ang iyang pamilya milakaw og sobra sa 800 ka milya (1287 km) aron sa pag-apil sa mga Santos didto sa Nauvoo. Sa dihang nasamad ang ilang mga tiil, nag-ampo sila nga mamaayo, ug ang Dios mitubag sa ilang mga pag-ampo.
Si Joseph Smith miingon nga siya adunay dakong hugot nga pagtuo.
Bisan og nakasinati siya og daghang mga hagit, matinud-anon siya sa ebanghelyo sa tibuok niyang kinabuhi.

1807–1857

“Ang Espiritu sa Ginoo anaa kanako, ug nasayod ko nga … ang Basahon [ni Mormon] tinuod.”

Autobiography ni Parley P. Pratt, 1938, 37.

Dihang una siyang mibasa sa Basahon ni Mormon, dili siya makahunong. Gibasa niya kini sa tibuok adlaw ug sa tibuok gabii.
Miserbisyo siya og mga misyon sa Canada, England, Chile, ug sa mga isla sa Habagatang Pasipiko.
Misulat siya og mga himno nga atong gikanta gihapon karon, sama sa “Jesus, Kanhi Kabus” (Mga Himno, nu. 117).
Usa siya sa unang Apostoles nga gitawag sa gipahiuli nga Simbahan.