Higala ngadto sa Higala
Ang Dakong Pangutana sa Bowling
Gikan sa usa ka interbyu uban ni Sydney Squires.
Niadtong anaa pa ko sa ikaunom nga ang-ang sa eskwela, mibalhin ang akong pamilya. Usa sa akong bag-o nga mga higala dili usa ka miyembro sa Simbahan.
Usa ka Dominggo, mitawag ang akong higala kanako. Gusto niya nga mokuyog ko nga mag-bowling uban kaniya ug sa iyang mga ginikanan nianang hapona. Kausa pa lamang ako naka-bowling kaniadto, ug giganahan kaayo ko niini. Ang pag-bowling og usab mahimong makalingaw gayud, ilabi na uban sa akong bag-ong higala. Diha-diha dayon nangutana ko sa akong mama.
“Aw,” miingon siya, “Dominggo karon, mao nga nagtuo ko nga kinahanglan dili ka moadto. Apan makahimo ka og kaugalingon nimong desisyon.”
Nakuratan ko! Naghunahuna ko nga moingon siya og dili. Hinuon ako ang mohimo og pagpili. Busa mipili ko nga mag-bowling uban sa akong higala.
Sa wala madugay ang akong higala, iyang mga ginikanan, ug ako anaa na sa gambalay diin magdula og bowling. Maayo kaayo ang akong pagdula! Ang akong higala ug ako nalingaw. Apan sa tibuok panahon, ako adunay kabalaka nga gibati. Nasayod ako sa akong kasingkasing nga husto ang akong mama. Nakat-onan nako sa simbahan ug sa panimalay nga ang paghimo sa Dominggo nga usa ka balaan nga adlaw importante. Ang pag-bowling uban sa akong higala dili ang labing maayo nga kalihokan sa Dominggo.
Nianang adlawa, nakakat-on ko og importante nga leksyon. Maayo ang maglingaw-lingaw ug magkuyog sa mga higala! Apan ang pagpili sa paghimo sa Dominggo nga espesyal mas importante.
Paghulagway ni Jim Madsen