Pagtabang Sama ni Jesus

Si Jesus Mipaapil sa Uban

Usa ka adlaw miabot ang usa ka grupo sa kabataan aron makakita ni Jesukristo. Ang iyang mga sumusunod misulti kanila sa pagpahawa. Apan si Jesus miingon: “Paaria kanako ang mga bata” (Marcos 10:14). Dili Siya gusto nga dili sila iapil. Gusto Siya nga mogahin og panahon uban kanila tungod kay Siya nahigugma kanila.

Gikugos sa Manluluwas ang mga bata. Gipanalanginan Niya sila. Mitabang Siya nga mobati sila nga importante.

Mahimo ninyong basahon ang tibuok istorya diha sa Lucas 18:15–17 ug sa Marcos 10:13–16.

Makabaton Ako og usa ka Bag-ong Higala

• Pangita og bag-o nga tawo nga imong mahimamat.

• Paghimo og plano nga mahimong usa ka higala kanila.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Mibati ako nga nag-inusara sa recess, mao nga mihangyo ko og usa ka tawo kon sila makigdula ba kanako. Nagsugod kami sa pagdula og tisas [chalk], ug miabot ang dugang nga mga tawo, ug makalingaw kaayo kadto! Kon mobati kamo nga nag-inusara, mahimo kamong mohangyo og usa ka tawo nga makigdula kaninyo!

Kanyin P., 8 anyos, Colorado, USA

Giunsa nimo pagpaninguha nga mahisama ni Jesus pinaagi sa pagtabang sa uban? Pagsulat ug sultihi kami! Tan-awa ang luyo nga hapin aron makita kon unsaon.

Paghulagway ni Kristin Kwan