Dali, Sunod Kanako

Makalingaw nga Panahon sa Kasulatan

Kini nga mga ideya kauban sa Dali, Sunod Kanako—alang sa mga Indibidwal ug mga Pamilya matag semana.

Saulugon si Jesukristo

Alang sa Pasko sa Pagkabanhaw

Kantaha ang “Si Jesus Nabanhaw” (Songbook sa mga Bata, 44).
Ipaambit ang inyong paborito nga mga kasulatan o mga istorya kabahin ni Jesus. Dayon pangita sa mga daang magasin sa Simbahan ug panggunting og mga litrato Niya. Ipapilit o i-tape ang mga litrato nga isikit-sikit diha sa usa ka papel o poster sa paghimo og koleksyon sa ginunting nga mga litrato [collage].
Makakita ka og dugang nga mga istorya sa Pasko sa Pagkabanhaw ug mga kalihokan sa Marso 2021 nga Higala.

Kantaha ang “Gusto Ko Karon nga Mamisyonaryo” (Songbook sa mga Bata, 90).
Human gipahiuli ang Simbahan ni Jesukristo, mitawag ang Dios og mga misyonaryo aron moadto ug magtudlo og daghang mga tawo kabahin niini. Inyong mabasa ang mahitungod sa pipila sa unang mga misyonaryo diha sa pahina 42.
Magsulat o magdrowing og mga hulagway aron ipadala ngadto sa mga misyonaryo! Mahimo ninyong ihatag kini ngadto sa mga misyonaryo nga nagserbisyo diha sa inyong lugar o ipadala kini ngadto sa usa ka misyonaryo nga nagserbisyo sa laing dapit. Maghisgut kabahin sa mga paagi nga kamo mahimong mopaambit usab sa ebanghelyo.

Kantaha ang “Put Your Shoulder to the Wheel,” (Hymns, nu. 252).
Si Jesus mitudlo kanato sa “paghiusa” (Doktrina ug mga Pakigsaad 38: 27). Nagpasabut kana sa panagtambayayong uban sa mga tawo sa atong palibut sa pagtuman sa samang tumong.
Magpili og pares ug mobarug nga magtupad sa usag usa, mag-abrasa ang mga abaga. Paggamit og bandana o pisi ihigot sa imong buol-buol ngadto sa inyong pares. Magtinabangay sa pagpraktis og lakaw. Unsa ka paspas nga makaabut kamo gikan sa usa ka dapit ngadto sa lain?

Kantaha ang “Si Jesus Miingon Higugmaa ang Tanan” (Songbook sa mga Bata, 39).
Si Jesus mitudlo nga kita kinahanglang “maghiusa sa gugma” (Doktrina ug mga Pakigsaad 42:45).
Isulat ang ngalan sa matag tawo sa inyong pamilya sa mga piraso nga papel. Dayon papilia ang matag tawo og usa ka ngalan. Siguroa nga dili nimo mapilian imong ngalan, ug ayaw ipakita sa lain kon kinsa ang imong napunitan! Sa tibuok semana, paningkamuti og maayo nga makaserbisyo ug mopakita og gugma ngadto niana nga tawo.