Sinulat Nimo
Mipatukar ko og usa ka Himno!
Ni Raihau T., age 11, Tahiti, French Polynesia
Sa unang higayon nga nakadungog ko sa akong magulang si Allan nga motukar sa piano sa miting sa sakramento, gusto kong mobuhat sa samang butang. Nahimo kini nakong usa sa Kabataan ug Kabatan-onan nga mga tumong ang makatukar og himno sa miting sa sakramento.
Sukad niadto, nagtuon ko og piano uban sa akong tiyo nga si Ken. Matag adlaw naningkamot ko sa pagbansay sulod sa 30 minutos. Human sa 10 ka bulan, nakahimo ko sa pagtukar og himno nga “Unang Pag-ampo ni Joseph Smith” (Hymns, nu. 21).
Dayon miabut ang COVID-19. Ang mga lider sa Simbahan mikansilar sa mga miting sa Dominggo. Miingon sila sa balay kami magsimba. Si Mama ug si Papa mihatag sa matag usa kanamo og buluhaton. Mihangyo sila nako sa pagtukar sa pangbukas nga awit, ug akong gitukar ang “Unang Pag-ampo ni Joseph Smith.” Nakatuman ko sa akong tumong sa pagtukar og usa ka himno diha sa miting sa sakramento! Nabati nako ang Espiritu diha sa among panimalay.
Paghulagway ni Shane Clester