E te mau hoa here,
E paraparau mai te Metua i te ao ra ia tātou nā roto mai i tāna mau peropheta. ’E i te ’āva’e i ma’iri a’enei, ’ua fa’aro’o tātou i te mau peropheta ’e te mau ’āpōsetolo i roto i te ’āmuira’a rahi ! E mea faufa’a nō tātou pā’āto’a te mau parau tā tātou e fa’aro’o i roto i te ’āmuira’a. Tē parau mai nei te reira ia tātou e nāhea ’ia riro hau atu mai ia Iesu Mesia te huru.
E aha tā ’outou tuha’a au roa a’e o te ’āmuira’a ? ’A haere i te ’api 2 nō te tai’o i te hō’ē parau poro’i ta’a ’ē nā te peropheta !
Te here,
Te Hoa
’O vai au nei ?
’Ua ha’uti mātou i te ha’uti « ’O vai au nei ? » ’e ’ua au roa mātou (Tiunu 2020) ! Māuruuru nō te mau ha’uti ’ārearea ’e te mau ’ā’amu maita’i ! E mea au ato’a nā mātou ’ia fa’aro’o i te mau ’ā’amu paraparau o te Hoa ’a tāmā’a ai mātou. E tauturu te reira ia mātou ’ia fāri’i i te Vārua i roto i tō mātou ’utuāfare.
Valentine ’e ’o Juliet P., 4 ’e 6 matahiti, Arizona, Marite
I hea mātou e tai’o ai i te Hoa
Tē tai’o nei te mau taea’e Marcelo ’e Alejandro A., e 6 ’e e 3 matahiti, i te Hoa nā roto i te reo pāniora i Nuevo León (Mehiko) !
E mea au nā mātou ’ia hi’o i te hiero
Lars, Maren, ’e ’o Livia B., e 6, 11, ’e e 3 matahiti, e māta’ita’i ra i te hiero nō St. Paul (Minnesota)