E parau poro’i nō te ’āmuira’a nā roto mai i te peropheta
E fa’anu’u te fa’aro’o i te mau mou’a
Nā te peresideni Russell M. Nelson
Fa’aauhia mai roto mai « ’Ua ti’afa’ahou te Mesia ; e fa’anu’u te fa’aro’o iāna i te mau mou’a », Liahona, Mē 2021.
Te mau mea maita’i ato’a i roto i te orara’a—’e te mau ha’amaita’ira’a ato’a—e ha’amata mai ïa nā roto i te fa’aro’o. I roto i te Bibilia, ’ua parau fafau mai Iesu ē mai te mea « e fa’aro’o tō tātou mai te hō’ē huero sinapi noa iho te rahi, e nehenehe tātou e parau i te mau mou’a ’a haere i’ō atu (Mataio 17:20). Penei a’e tō ’outou mau mou’a, ’o te vai-’ōtahi-ra’a, te fē’a’a, te ma’i, ’aore rā te tahi atu mau fifi.
E au te huero sinapi mai te hō’ē fa’aro’o na’ina’i terā rā ’o tē tupu ra i te rahi. E ha’amata te huero sinapi ma te na’ina’i, terā rā e tupu ’oia i roto i te hō’ē tumu rā’au huru rahi ’ia ti’a i te mau manu ’ia ’ōfa’a i roto i tōna mau ’āma’a. Tē ani atu nei au ia ’outou ’ia ha’amata i teie mahana ’ia fa’arahi i tō ’outou fa’aro’o. Teie te tahi mau rāve’a e nehenehe ai ’outou e patu i tō ’outou fa’aro’o ’e tō ’outou ti’aturira’a.
-
’A ha’api’i mai nō ni’a ia Iesu Mesia nā roto i te tai’ora’a i te mau pāpa’ira’a mo’a. ’A ha’api’i mai nō ni’a i tāna mau temeio.
-
’A mā’iti i te ti’aturi iāna. ’A feruri iāna i te mau mahana ato’a.
-
’A ’ohipa ma te fa’aro’o. ’Ia bāpetizohia ’e ’a rave i te ’ōro’a mo’a.
-
’A ani i te Metua i te ao ra ’ia tauturu mai ia ’outou.
E fa’anu’u tō ’outou fa’aro’o ia Iesu Mesia i te mau mou’a. E tauturu te fa’aro’o ia ’outou ’ia fa’ariro i te mau fifi ’ei mau taime fa’ahiahia.