Pāpa’ihia e ’outou
’Ua ha’uti au i te hō’ē hīmene !
Nā Raihau T., 11 matahiti, Tahiti, Pōrīnetia Farāni
Te taime mātāmua ’a fa’aro’o ai au i tō’u taea’e rahi ’o Allan i te ha’utira’a i te piāna i roto i te purera’a ’ōro’a, ’ua hina’aro ato’a a’era vau e nā reira. ’Ua riro a’era te reira ’ei hō’ē o tā’u mau fā nō Te mau tamari’i ’e te feiā ’āpī, ’ia ha’uti i te hō’ē hīmene i roto i te purera’a ’ōro’a.
Mai taua taime ra, ’ua ha’api’i a’era vau i te fa’ata’i i te piāna i pīha’i iho i tō’u metua tāne fēti’i ia Ken. I te mau mahana ato’a e tāmata vau i te ha’api’ipi’i e 30 a’e minuti. 10 ’āva’e i muri iho, ’ua ti’a iā’u ’ia ha’uti i te hīmene ra « Te pure mātāmua a Iosepha Semita » (Te mau hīmene, N°15).
I muri iho ’ua tae mai te COVID-19. ’Ua fa’a’ore te feiā fa’atere o te ’Ēkālesia i te mau purera’a i te sābati. ’Ua parau rātou ē, e fa’atupu tātou i te purera’a i te fare iho. ’Ua hōro’a mai ’o Māmā ’e o Pāpā ia mātou tāta’itahi i te hō’ē ’ohipa. ’Ua ani mai rāua iā’u ’ia ha’uti i te hīmene ha’amatara’a, ’e ’ua ha’uti au « Te pure mātāmua a Iosepha Semita ». ’Ua ti’a iā’u ’ia fa’aoti i tā’u ’ōpuara’a ’ia ha’uti i te hō’ē hīmene i roto i te purera’a ’ōro’a ! ’Ua ti’a iā’u ’ia putapū i te Vārua i roto i tō mātou ’utuāfare.