Tauturu mai ia Iesu

E mea fāri’i Iesu ia vetahi ’ē

I te hō’ē mahana, ’ua haere mai te hō’ē pupu tamari’i e hi’o ia Iesu Mesia. ’Ua parau atu ra tāna mau pipi ia rātou ’ia haere ’ē atu. ’Ua parau rā Iesu : « E vaiiho i te mau tamari’i ri’i ’ia haere mai iā’u ra » (Mareko 10:14). ’Aita ’oia i hina’aro ’ia vaiiho ia rātou i rāpae. ’Ua hina’aro ’oia e fa’ata’a i te hō’ē taime ’e ’o rātou nō te mea, ’ua here ’oia ia rātou.

’Ua tāpe’a te Fa’aora i te mau tamari’i i roto i tōna nā rima. ’Ua ha’amaita’i ’oia ia rātou. ’Ua tauturu ’oia ia rātou ’ia feruri ē, e mea faufa’a rātou.

E nehenehe ’outou e tai’o i te tā’āto’ara’a o te ’ā’amu i roto i te Luka 18:15–17 ’e te Mareko 10:13–16.

E nehenehe au e fa’ahoa i te hō’ē hoa ’āpī

• ’A ’imi i te hō’ē ta’ata ’āpī e nehenehe ’outou e fārerei.

• ’A fa’ata’a i te hō’ē fa’anahora’a nō te riro ’ei hoa nō rātou.

• ’A rave i te reira fa’anahora’a !

• ’A tāpū i teie tāreta nō te fa’aha’amana’o ia ’outou ’ia tāmau noa i te tauturu mai ia Iesu.

Mai te huru ra ē, ’o vau ana’e i te taime fa’afa’aeara’a, nō reira ’ua ani atu vau i te tahi mau ta’ata e hina’aro ānei rātou e ha’uti nā muri iā’u. ’Ua ha’amata mātou e ha’uti i te pu’a pāpa’i, ’e ’ua rahi noa te ta’ata tei haere mai, ’e e mea ’ārearea roa ! Mai te peu ē, e mana’o ’ōtahi tō ’outou, e nehenehe ’outou e ani i te ta’ata ’ia haere mai e ha’uti ’e ’o ’outou !

Kanyin P., e 8 matahiti, Colorado, Marite

Mea nāhea ’outou i te tāmata i te riro mai ia Iesu te huru maoti te tauturura’a ia vetahi ’ē ? ’A pāpa’i ’e ’a fa’ati’a mai ia mātou ! ’A haere i te tāpo’i nō muri nō te hi’o e nāhea.