O Se Miti Mo Dieter
Sii mai ia Elder Dieter F. Uchtdorf, “Valaau mo Toa!” (Faigalotu a le BYU-ala o le lalolagi atoa, Iul. 14, 2020, byupathway.org/devotionals).
A o tamaitiiti, sa fiafia lava Elder Dieter F. Uchtdorf e matamata i vaalele. Sa vaai faalemafaufau o ia o lele i se tasi o na vaalele tetele.
E i ai se aso, ou te manao ai e avea ma se pailate.
Ae sa le tele ni tupe a le aiga o Dieter sa i ai. O i latou o tagata sulufai ma sa tatau ona tuua faalua lo latou fale ae o i se atunuu fou.
A o taaalo isi tamaiti, sa galue Dieter o se alii na tilivaina e fesoasoani i lona aiga.
O nisi taimi sa ia lagona e pei ua le mafai ona taunuu lana miti!
Ae ina ua tuputupu ae o ia, sa galue malosi Dieter e aapa atu i ana miti. Na i ai lona faatuatua o le a fesoasoani lona Tama Faalelagi ia te ia.
Na auai o ia i le vaega tau o vaalele ma aoaoina e avea ma pailate sili e mafai ona avea ai o ia.
Mulimuli ane sa ia ausia lana miti. Sa ia lele i vaalele tetele mo le tele o tausaga!
Atonu e te tau mafaufau pe mafai foi ona taunuu au miti.
Atonu o le a le faigofie, ae e te mafaia.
Atonu e te feagai ma ni luitau, ae e mafai ona e malosi atili ai. Ua faatasi le Atua ma outou i laasaga uma lava o le ala!
“Galue malosi. Ia faatuatua. Ia i ai le faamoemoe. Faalagolago i le Atua. Ia iloa afai e fai lau vaega, o le a lelei mea uma.”
Ata na tusia e Cam Kendell