Galuega e sili ona Fiafia i ai Tomoshi
O lenei tala sa tupu i Iapani.
“Ua oo i le taimi e o ai fui ia fualaau,” o le tala lea a tina.
“Yay!” o le tala lea a Tomoshi. Sa ia tuu i lalo ana meataalo. Ua oo i le taimi o lana galuega e sili ona fiafia i ai. E faalua i le vaiaso ona ia fesoasoani ia Tina e fui fugalaau i le fale o le Lotu.
Sa maua e Tomoshi lana pulou o le uila. Oloo fesoasoani Tina e nonoa ona seevae. Ua sauni nei o ia e alu!
E fiafia Tomoshi e tietie i le uila ma Tina. E i ai foi lona lava nofoa faapitoa. E mafai ona ia vaaia le tele o mea malie a o laua agai atu.
“Vaai!” Na fai mai Tomoshi. Sa ia faasino i se pepe uliuli aulelei.
“O loo ia sueina ni fugalaau,” o le tala lea a Tina. “O ia o se tasi o foafoaga matagofie a le Atua.”
“Vaai!” Na fai mai Tomoshi. Sa ia faasino i nisi o fugalaau sesega o loo tuputupu ae i le ala.
Sa taofia e Tina le uila. Sa ia piki se lau o se fugalaau ua toulu. “Tago mai,” o le tala lea a Tina.
Na pai Tomoshi i le lau vaivai. Na ia uuina lemu i lona lima.
O lea ua toe tietie uila Tina. O a fea o le a laua oo ai i fugalaau o le a laua fuiina?
“Ua toeitiiti lava oo i ai,” o le tala lea a Tina.
Sa talotalo atu Tomoshi i se tamaloa matua o loo ataata mai a o la tietie ane. Sa talotalo atu o ia i se teineitiiti o loo uuina le lima o lona tinamatua.
Ma sa ia talotalo atu i le fale Lotu a o la taunuu atu ai i luma. Ua laua taunuu!
Sa tatala e Tina le pulou a Tomoshi. Sa ia tuuina atu ia Tomoshi lana pulou samasama. Na ia faia ina ia puipuia mai le la.
Ona fesoasoani lea o Tomoshi e taofi le fagu e fui ai laau atigiapa lanu meamata sesega E faatumuina e Tina i vai.
O le taimi lenei e fui ai fugalaau! Sa fui e Tomoshi fugalaau lanu samasama ma fugalaau lanu moana ma fugalaau lanu piniki. Na te faamautinoa ua feinu uma laau.
“Ua uma!” Na fai mai Tomoshi.
“Faafetai lava,” sa fai atu ai Tina. “O loo e fesoasoani e auauna atu i le Tama Faalelagi. E te fesoasoani e faafoliga aulelei Lana lotu.”
Sa ataata tele Tomoshi. Sa fiafia o ia e mafai ona ia fesoasoani.
Ata na tusia e Fumi Kosaka