Fesoasoani e Pei o Iesu

Sa Faasoa atu Iesu ma Isi

Ina ua mavae le toetu mai o Iesu, sa Ia vaai i Ona soo o fagogota i totonu o se vaa. E lei maua lava ni a latou i’a. Sa fai atu Iesu ia i latou e lafo la latou upega i le isi itu o le vaa. Sa tele i’a na latou maua ma sa amata ai ona mamafa la latou upega. Ona aufaatasi lea o le au soo ma Iesu i luga o le laueleele. Sa latou nonofo faatasi ma ia i se afi. Sa faasoa atu e Iesu le areto ma le i’a ma i latou. Sa ia fesili ia Peteru, “E te alofa ia te a’u?” Ona ia fetalai atu lea, “fafaga i a’u mamoe.” O lona uiga sa ia finagalo ia Peteru e faasoa atu le talalelei i isi. E mafai ona tatou faaali atu le alofa ia Iesu e ala i le faasoa atu i isi, e pei ona sa ia faia.

E mafai ona e faitauina lenei tala i le Ioane 21:3–17.

E Mafai Ona Ou Faasoa Atu

• O le a se mea e mafai ona e faasoa atu i se isi tagata?

• Fai se tatalo ma fai se fuafuaga e fesoasoani atu.

• Fai lau fuafuaga!

• ‘Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Sa ou fesoasoani e fai ni kuki mo o matou tuaoi fou. Na o le gagana faaArapi na tautala ai le fafine,, ae sa ia valaaulia matou i totonu. Sa matou faaaluina faatasi le taimi e faamasani ai le tasi i le isi, e ui ina matou te lei tautala lava i le gagana e tasi. Sa agalelei tele o ia, ma sa ou maua ai se lagona lelei i totonu.

Grayson C., 5 tausaga, Abu Dhabi, United Arab Emirates

Ata na tusia e Kamille Corry