Sau, Mulimuli Mai ia te A’u

Taimi Fiafia i Tusitusiga Paia

O nei manatu e o faatasi ma le Sau, Mulimuli Mai ia te A’u—mo Tagata Taitoatasi ma Aiga i vaiaso taitasi.

O Le Ata o le Faaolataga

Usu le pese “Ua Ou Iloa Lo’u Faaola,” (Viiga, nu. 73).
Na faaali mai e Iesu Keriso ia Iosefa Samita se faaaliga o le fuafuaga a le Atua mo i tatou (tagai Mataupu Faavae ma Feagaiga 76). Tatou te taua lenei fuafuaga o le ata o le faaolataga po o le fuafuaga o le fiafia. E mafai ona e faitau atili e uiga iai i le itulau 2.
Taaalo loa i le taaloga i le itulau 24 ma lou aiga. Fesoasoani i tagata uma ia oo atu i le malo selesitila!

Usu le “Faitau Ou Manuia,” (Viiga, nu. 151).
Na aoaoina i tatou e Iesu ina ia “maua mea uma ma le loto faafetai” (Mataupu Faavae ma Feagaiga 78:19). O lona uiga o le faafetai mo mea ua tatou maua.
Taaalo i se taaloga faafetai! E tu se tagata e toatasi ao nonofo isi i se lio. O i latou i le lio e fepasiai se mea faitino (e pei o se meataalo) i le vave e mafai ai. A fai mai le tagata taalo o loo tu e, “taofi!” o le tagata o loo uuina le mea faitino e tau maia se mea latou te faafetai ai. Ona tu lea o le tagata lea i le isi taamilosaga.

Usu le “Ua Ou Faia Ea se Lelei?” (Viiga, nu. 136).
Na aoao mai Iesu e tatau ona tatou “sii i luga lima ua tautau i lalo” (Mataupu Faavae ma Feagaiga 81:5). O lona uiga o le fesoasoani atu i isi ma faamalosiau atu ia i latou pe a faanoanoa pe ua le lavava.
Fai se Lima Fesoasoani! Tosi le ata o lou lima i luga o se fasi pepa ona oti ese lea. Tusi se mea o le a e faia e fesoasoani atu ai i isi ona tautau lea i luga o nofoaga e mafai ona e vaai i ai. Afai e te manao ai, e mafai ona tautau faatasi lima o lou aiga i luga e fai ai se laau o se lima fesoasoani!

Usu “Le Alofa o Lo’u Faaola,” (Tusipese a Tamaiti, 42–43).
Na fetalai Iesu e “mafaufau i Lili o le fanua” (Mataupu Faavae ma Feagaiga 84:82). Afai e tausia e le Tama Faalelagi ia fugalaau, e mafai ona tatou talitonu o le a ia tausia i tatou! (Tagai i le Mataupu Faavae ma Feagaiga 84:83–85.)
Ia fai se Lili pepa e faamanatu atu ai ia te oe le alofa ma le tausiga a le Tama Faalelagi. Tosi le ata o lou lima i luga o se fasi pepa ona oti ese lea. lola le siepi lima i se kone. Ona lola lea o “tama’ilima” taitasi faataamilo i se penitala e mimilo ai agai i fafo le pepa mo lau. Afai e te manao ai, e mafai ona e faapipii lau fugalaau i se laau e fai ai se au.

Ata na tusia e Katy Dockrill