Uo i le Uo
Laveai mai le papa o le vaitafe
Mai se faatalatalanoaga ma Haley Yancey.
Ina ua ono ou tausaga, sa o ai lou aiga i se malaga i se vaitafe. Sa matuai malulu lava le vai aua sa sau mai mauga i Chile. Ina ua mavae se taaloga i le vaitafe mo sina taimi, sa ou manao e faamafanafana.
Sa susulu le la i nisi o papa na lata ane. O lea na ou tuu ai lou tua e faasaga i le tasi papa ma ou vae i luga o le isi e faala ai.
Sa aofia maa i limu maseesee na mafua ai ona ou see lemu i lalo. Sa tupu lemu na ou leiloa ai ua ou see atu.
Ae sa ou mau ai loa! Sa omia ou tulivae agai i lo’u fatafata. Sa le mafai ona ou manava. Sa le mafai ona ou minoi.” Ma sa ou see atu pea! O sekone uma ua omia atili ai ou tulivae agai i lou fatafata. Sa tilotilo ou mata i le lagi, ma sa mou ese le malamalama uma.
Ona ou vaaia lea o foliga o lou uso. Sa ia uuina loʻu lima ma sii aʻe aʻu i luga. Sa ou le toe mau loa! Sa mafai ona ou manava ma toe vaai ai i le malamalama.
O Iesu Keriso o lo tatou Faaola ma lo tatou Uso Matua. Na te fesoasoani ia i tatou i o tatou tulaga o i ai. O le a Ia tosoina i tatou mai mea e le saogalemu. E i ai pea o Ia iina e tuuina mai ia i tatou Lona aao.
Ata na tusia e Kelly Kennedy