I Kam long Fas Presidensi

Stap Kaen

I Kam long Elda Dallin H. Oaks

Fas Kaonsela long Fas Presidensi

Oli karemaot long “Ol Papa mo Mama, mo Ol Pikinini” Liahona, Nov 2018, 61–67.

a boy and a girl reading together

Mi save wan yangfala man we i wan rifuji. Wan grup blong sam nara yangfala, oli stap jikim hem from hem i defren. Oli jikim hem from hem i stap toktok wan defren lanwis. Papa long Heven i no glad taem yumi no stap kaen o tritim nogud ol narawan. Hem i no kaen blong buli long wan nara man, blong hipap long hem blong mekem nogud long hem, o blong no akseptem olgeta.

Ol dia pikinini, wol blong yumi i nidim gud fasin mo lav blong yu. Gat kaen fasin wetem ol narafala man. Jisas i tijim yumi blong tritim ol narawan olsem we yumi wantem blong oli tritim yumi. Taem yumi stap traehad blong stap kaen, yumi kam moa kolosap long Hem.

Sapos yu no stap kaen long eni man—yu yuwan o wetem wan grup—disaed naoia blong jenis. Leftemap tingting blong ol narawan blong jenis tu.

Mi testifae abaot Jisas Kraes, Sevya blong yumi, we i bin tijim yumi blong lavlavem yumi olsem Hem i lavem yumi. Mi prea se bae yumi mekem olsem.

Rifuji: Wan man we i mas lego hom blong hem mo muv i go long wan nara ples blong stap sef.

“Wol blong yumi i nidim gud fasin mo lav blong yu. Stap kaen long yumi wanwan.”

Presiden Dallin H. Oaks

Olsem Wanem blong Mekem Wan Niu Fren

Friend, July 2021 Tier 2

?Olsem wanem nao yu soem kaen fasin long wan man we i niu? ?Olsem wanem sapos oli blong wan defren kantri? Blong evri step, putum wan aedia blong yuwan.

1. Smael mo talem halo.

   • “!Halo! ?Wanem nem blong yu?”

   • “Mi glad se yu stap long klas blong mifala.”

   • ________________________________

2. Tingting long wanem filing blong olgeta:

   • Oli sem from oli no gat ol fren yet o, oli toktok long wan nara lanwis.

   • Oli no hapi from oli misim hom blong olgeta.

   • Oli wari from se ______________________.

3. Invaetem olgeta.

   • “?Yu wantem pleplei wetem mifala?”

   • “Bae yumi sidaon tugeta.”

   • ____________________________

4. Gat kaen fasin mo help.

   • ?Yu wantem kakae lanj wetem mi?

   • “Hemia i nekis samting we bae yumi mekem.”

   • _______________________________

5. Lanem samting aot long olgeta.

   • “?Wanem fevret gem blong yu?”

   • “?Olsem wanem nao yu talem hemia long lanwis blong yu?”

   • _________________________________

6. Sapos yu luk we oli stap tritim olgeta wetem fasin we i no kaen:

   • Toktok from olgeta.

   • Toktok long olgeta o pleplei wetem olgeta.

   • ____________________________

Friend, July 2021 Tier 2

Ol pikja droing oli kam long Abby Carter