Skripja Stori

Tok blong Waes

Josef Smit i bin stap mekem ol miting blong tijim ol pipol abaot gospel. Samtaem ol man oli stap smok mo kakae tabak.

Hemia i mekem Ema Smit i wari. Smok mo tabak i mekem wan bigfala mes mo wan samting i no stret tumas abaot hemia. Ema mo Josef i tingting long tufalawan se, olsem wanem nao God i filim abaot samting ia.

Josef i prea mo Lod i bin ansa. Lod i wonem ol memba blong Jos abaot smok mo tabak. Hem i talem se oli nogud blong bodi blong yumi. Hem i wonem olgeta tu blong no stap dring ti, kofi o alkohol.

God i talem blong kakae ol frut, ol vejetebol, mo ol nara helti kaekae. Yumi singaotem ol tijing ia, Tok blong Waes.

Mi save laef folem Tok blong Waes. Papa long Heven bae i blesem mi taem mi lukaot gud long bodi blong mi.

Ol pikja droing oli kam long April Stott