Ol Han blong Help Raon long Wol
Mitim Eta blong Ameriken Samoa
Mitim ol Praemeri pikinini we oli stap helpem ol nara man, semmak olsem Jisas i mekem.
Evri samting abaot Eta
Yia: 9
Hem i blong: Ameriken Samoa
Ol Lanwis: Inglis mo i stap lanem lanwis blong Samoa
Famli: Mama, Papa, tu brata mo wan sista
Ol gol mo ol drim: 1) Go long wan misin. 2) Mared insaed long tempol. 3) Graduet long kolej. 4) Tekova long bisnis blong bekem ol samting blong mama blong hem.
Ol Han blong Help blong Eta
Mama blong Eta i gat wan stoa blong bekem ol swit kaekae, long aelan blong olgeta. Eta mo bigfala sista blong hem, Talai, tufala i laekem blong stap serem ol swit kaekae ia wetem ol tija mo lida blong tufala, mo wetem ol pipol we oli stap gat wan hadtaem. Samtaem oli stap ron long trak wetem mama blong olgeta mo givim ol kuki mo ol nara swit kaekae long ol pipol we oli luk long rod. I mekem ol pipol oli hapi tumas, mo i mekem Eta mo Talai oli stap glad blong serem kaekae. !Oli kasem moa glad blong stap serem ol swit kaekae blong stoa, bitim we bae olgeta nomo i kakae bakegen! Tufala tugeta i stap lan blong bekem samting olsem wan long ol gol blong tufala long program blong Ol Pikinini mo Yut, long yia ia, mekem se, oltaem tufala i gat ol swit kaekae blong serem.
Eta i talem se: “Mi laekem blong stap serem samting wetem ol narawan from se, i mekem olgeta oli glad, mo i mekem mi mi glad. Mi save se hemia i wanem Papa long Heven i wantem blong mifala i mekem.“
Ol Fevret Samting blong Eta
Ples: Ol pul blong taed long aelan blong hem we hem i laekem blong stap swim long hem
Stori abaot Jisas: Taem Hem i girap bakegen long ded.
Praemeri singsing: “Love Is Spoken Here” (Children’s Songbook, 190–91).
Kaekae:Jips
Kala: Pepol
Topik long Skul: Matematik
Ol pikja droing oli kam long Sammie Francis