Protektem Yuwan
Yu mas tritim evri pikinini blong Papa long Heven wetem kaen fasin mo respek. Yu mas gat semmak tingting long ol narawan tu blong tritim yu long semmak wei. Sapos wan man i traem blong mekem nogud long yu wetem ol toktok o ol aksen, !hemia i no OKEI!
Sapos yu filim se yu no sef …
-
Talem no.Yu no nid blong mekem eni samting we yu filim se i rong o i mekem yu no filim gud. Hem i ORAET blong talem no.
-
Lisin long ol filing blong yu. Tabu Spirit i stap givim ol kwaet woning blong helpem yumi blong stap sef. Sapos yu filim se wan samting i rong, yu no tekpat, mo traem blong ronwe sapos yu save mekem.
-
No holemtaet ol sikret we i mekem yu harem nogud. I gat samting we i defren bitwin wan hapi sapraes mo wan sikret we i mekem yu harem nogud. Yu no mas holemtaet wan sikret we i mekem yu harem nogud, iven sapos yu bin promes blong no talemaot.
-
Talem long wan adalt we yu trastem. Sapos wan nogud samting i hapen o yu filim yu fraet, talem long wan man we i save helpem yu kwik, olsem wan papa o mama, wan tija, o wan Jos lida.
?Huia nao yu save toktok long olgeta taem yu gat wan problem? Raetem wan lis blong ol pipol we yu trastem long ples ia:
Pikja droing i kam long Jennifer Bricking