Afta we Jisas i bin ded mo i bin laef bakegen long ded, Hem i luk ol disaepol blong Hem oli stap fising long wan bot. Oli no stap kasem wan fis. Jisas i talem long olgeta blong sakem net blong olgeta long narasaed blong bot. !Oli kasem fulap fis tumas mekem se net blong olgeta i hevi tumas! Afta, ol disaepol oli folem Jisas blong wokbaot long graon. Oli sidaon wetem Hem narasaed long wan faea. Jisas i serem bred mo fis wetem olgeta. Hem i askem long Pita: “?Yu yu lavem mi?” Afta Hem i talem, “Fidim sipsip blong mi.” Hemia i minim se, Hem i wantem Pita blong serem gospel wetem ol narawan. Yumi save soem lav long Jisas taem yumi stap sea wetem ol narawan, olsem we Hem bin mekem.
Pikja
A photo of Grayson Copa
Mi bin help blong mekem ol kuki blong ol niu neba blong mifala. Woman ia i toktok lanwis blong Arab nomo, be hem i bin invaetem mifala blong go insaed. Mifala i gat janis blong spenem taem tugeta mo kam blong save mifala wanwan, nomata we mifala i no toktok semmak lanwis. Hem i naes tumas, mo i mekem mi filim gud insaed.
Grayson C., 5 yia, Abu Dhabi, Yunaeted Arab Emiret