Pagtabang Sama ni Jesus
Si Jesus Mipakigbahin ngadto sa Uban
Human si Jesus mabanhaw, nakita Niya ang Iyang mga disipulo diha sa usa ka sakayan nga nangisda. Wala sila makakuha og bisan unsa nga isda. Si Jesus misulti kanila sa pagtaktak sa ilang pukot sa pikas nga bahin sa sakayan. Sila nakakuha og daghan kaayong isda nga ang ilang mga pukot hilabihan sa kabug-at! Dayon mikuyog ang mga disipulo ni Jesus didto sa mamala. Milingkod sila uban Kaniya duol sa kalayo. Si Jesus nakigbahin sa pan ug isda ngadto kanila. Gipangutana Niya si Pedro, “Gihigugma mo ba ako?” Dayon Siya miingon, “Atimana ang akong mga karnero.” Kana nagpasabut nga gusto Niya nga si Pedro makigbahin sa ebanghelyo ngadto sa uban. Kita makapakita og gugma ngadto ni Jesus pinaagi sa pagpanghatag ngadto sa uban, sama sa Iyang gihimo.
Mitabang ako sa paghimo og mga biskwit alang sa among bag-ong mga silingan. Ang babaye makasulti lamang og Arabic, apan midapit siya kanamo sa sulod. Kami kinahanglan nga mogahin og panahon nga mag-uban ug magkaila sa usag usa bisan og kami wala magsulti og sama nga pinulongan. Maayo kaayo siya, ug kini mihimo kanako sa pagbati og maayo.
Grayson C., edad 5, Abu Dhabi, United Arab Emirates
Paghulagway ni Kamille Corry