Dali, Sunod Kanako

Makalingaw nga Panahon sa Kasulatan

Kini nga mga ideya nahiuyon sa Dali, Sunod Kanako—alang sa mga Indibidwal ug mga Pamilya matag semana.

Ang Plano sa Kaluwasan

Kantaha ang “Buhi ang Manunubos Ko, Niini Nasayud Ako” (Mga Himno, nu. 80).
Si Jesukristo mipakita ni Joseph Smith og usa ka panan-awon sa plano sa Dios alang kanato (tan-awa sa Doktrina ug mga Pakigsaad 76). Gitawag nato kini nga plano og plano sa kaluwasan o plano sa kalipay. Makabasa ka pa og dugang mahitungod niini diha sa pahina 2.
Karon pagdula sa dula diha sa pahina 24 uban sa imong pamilya. Tabangi ang tanan nga makaadto sa celestial nga gingharian!

Kantaha ang “Ipha ang Inyong mga Panalangin” (Mga Himno, nu. 148).
Si Jesus mitudlo kanato nga “[naka]dawat sa tanang mga butang sa pagpasalamat” (Doktrina ug mga Pakigsaad 78:19). Kana nagpasabut sa pagkamapasalamaton alang sa unsay anaa kanato.
Pagdula og usa ka pagpasalamat nga dula! Usa ka tawo nagbarug samtang ang uban maglingkod nga nag-alirong. Kadtong anaa nag-alirong mopasa og butang (sama sa usa ka dulaan) tuyok sa labing dali kutob sa ilang mahimo. Kon ang nagbarug nga magdudula moingon, “Hunong!” ang tawo nga naggunit sa butang mosulti og usa ka butang nga sila mapasalamaton. Dayon kana nga tawo mobarug alang sa sunod nga pagtuyok.

Kantaha ang “Nakabuhat Ba Ako og Maayo Karon?” (Mga Himno, nu. 135).
Si Jesus mitudlo nga kinahanglan atong “ipataas ang mga kamot sa nawad-an og paglaum” (Doktrina ug mga Pakigsaad 81:5). Nagpasabut kana sa pagtabang sa uban ug sa pag-awhag kanila kon sila nagsubo o gikapoy.
Paghimo og matinabangon nga kamot! Kopyaha ang imong kamot diha sa usa ka piraso nga papel ug guntinga kini. Pagsulat og usa ka butang diha niini nga imong buhaton sa pagtabang sa uban ug dayon ibitay kini diin imo kining makita. Kon gusto nimo, mahimo nimong ibitay ang mga kamot sa imong pamilya nga gitipon sa paghimo og matinabangong mga kamot nga kahoy!

Kantaha ang “Gibati Ko ang Gugma sa Akong Manluluwas,” (Songbook sa mga Bata, 42–43).
Si Jesus miingon nga “palandonga ang mga lirio sa umahan” (Doktrina ug mga Pakigsaad 84:82). Kon ang Langitnong Amahan nag-amuma sa mga bulak, makasalig kita nga Siya moamuma kanato! (Tan-awa sa Doktrina ug mga Pakigsaad 84:83–85.)
Paghimo og usa ka lirio nga papel sa pagpahinumdom kanimo sa gugma ug pag-amuma sa Langitnong Amahan. Kopyaha ang imong kamot diha sa usa ka piraso nga papel ug guntinga kini. Lukota ang porma nga kamot ngadto sa usa ka tarurot. Dayon lukota ang matag “tudlo” libut sa usa ka lapis sa paglubag sa papel pagawas alang sa mga bulak. Kon gusto nimo, mahimong i-tape nimo ang imong bulak ngadto sa usa ka tukog aron sa paghimo og punoan.

Mga paghulagway ni Katy Dockrill