Higala ngadto sa Higala
Pagluwas didto sa River Rock
Gikan sa usa ka interbyu uban ni Haley Yancey.
Sa dihang ako sais anyos ang panuigon, ang akong pamilya mibiyahe ngadto sa usa ka suba. Ang tubig bugnaw kaayo tungod kay kini gikan sa kabukiran sa Chile. Human magdula diha sa suba sa makadiyot, gusto kong magpainit sa adlaw.
Ang adlaw nagsidlak diha sa pipila ka duol nga dagkong mga bato. Busa akong gisandig ang akong likod sa usa ka dakong bato ug ang akong mga tiil sa lain aron mainitan sa adlaw.
Ang dagkong mga bato natabunan sa dangog nga lumot nga mihinay-hinay kanako sa pagpaus-os sa ubos. Nahitabo kini sa hinay kaayo nga ako wala makaamgo nga ako nagkaus-os.
Apan dayon ako dili na makalihok! Ang akong mga tuhod anaa sa akong dughan nagduot. Dili ako makaginhawa. Dili ako makalihok. Ug sa gihapon ako nagkaus-os! Matag segundo ang akong mga tuhod nagduot og kusog sa akong dughan. Ang akong mga mata naghangad sa langit, ug ang tanang kahayag nagkahanap.
Dayon akong nakita ang nawong sa akong igsoong lalaki. Gikuha niya ang akong kamot ug gibitad ko sa pagpatindog. Makalihok na ako! Makaginhawa ako ug makakita na usab sa kahayag.
Si Jesukristo mao ang atong Manluluwas ug atong Magulang nga Igsoon. Kanunay Siya nga nakahibalo kon hain kita. Mobitad Siya kanato gikan sa peligro. Anaa siya kanunay sa pagtabang kanato.
Paghulagway ni Kelly Kennedy