Plano sa Kaluwasan nga Board Game
Dulaa kini aron makakat-on mahitungod sa plano sa Langitnong Amahan. Paggamit og mga liso o sinsilyo isip mga piraso sa dula. Alang sa matag turno sa pagdula, pagpaligid og usa ka dice o pagkuha og usa ka numero ug isibug ang imong piraso nianang daghan nga mga luna. Kon ang unang tawo moagi og usa ka bitoon, basaha ang bula. Sa sunod higayon nga ang usa ka tawo molabay niana nga bitoon, buhata ang kalihokan.
-
Kinabuhi sa wala pa dinhi sa yuta: Mipuyo kita uban sa atong langitnong mga ginikanan. Kita mipili sa pagsunod ni Jesukristo ug mianhi sa yuta.
Kantaha ang “Langit Gipuy-an Ko” (Songbook sa mga Bata, 140).
-
Yuta: Kita mianhi sa yuta aron makaangkon og lawas, makakat-on ug molambo. Kita makapili tali sa husto ug sa sayop.
Basaha ang Alma 34:32.
-
Pag-ula ni Kristo: Si Jesukristo mianhi sa yuta ug mipuyo og hingpit nga kinabuhi. Nahibalo siya sa atong mga kasakit. Siya miula alang kanato aron kita makahinulsol.
Kantaha ang “Mipadala sa Bugtong Anak” (Songbook sa mga Bata, 20–21).
-
Kalibutan sa Espiritu: Human kita mamatay, ang atong mga espiritu magpadayon nga mabuhi. Ang mga tawo kinsa wala makakat-on mahitungod sa ebanghelyo dinhi sa yuta makakat-on mahitungod niini dinhi.
Basaha ang Alma 40:11.
-
Pagkabanhaw: Tungod kay si Jesus mibangon gikan sa patay, kitang tanan mabuhi pag-usab! Ang atong mga lawas ug atong mga espiritu magkahiusa pag-usab.
Kantaha ang “Nabuhi ba Gayud Pag-Usab si Jesus?” (Songbook sa mga Bata, 45).
-
Celestial nga gingharian: Tungod ni Jesukristo, kita mahimong sama sa atong Langitnong Amahan ug mopuyo uban sa atong mga pamilya sa kahangturan.
Basaha ang Doktrina ug mga Pakigsaad 76:70.