Paborito nga Trabaho ni Tomoshi
Kini nga istorya nahitabo sa Japan.
“Panahon na sa pagpamu-bo sa mga bulak,” nag-ingon si Mama.
“Yay!” nag-ingon si Tomoshi. Gibutang niya ang iyang mga dulaan. Kini panahon na alang sa iyang paborito nga trabaho. Kaduha sa usa ka semana nagtabang siya ni Mama sa pagpamu-bo sa mga bulak didto sa gambalay sa Simbahan.
Gipangita ni Tomoshi ang iyang helmet sa bisekleta. Nagtabang si Mama sa pagliston sa iyang mga sapatos. Karon siya andam na nga moadto!
Gusto ni Tomoshi ang pagsakay sa bisikleta uban ni Mama. Gani siya adunay iyang kaugalingong espesyal nga lingkuranan. Siya makakita og daghang makalingaw nga mga butang samtang sila molabay.
“Tan-awa!” Nag-ingon si Tomoshi. Nagtudlo siya sa usa ka maanindot nga itom nga kabakaba.
“Nangita kini og mga bulak,” nag-ingon si Mama. “Usa kini sa maanindot nga nilalang sa Dios.”
“Tan-awa!” Nag-ingon si Tomoshi. Nagtudlo siya sa pipila ka hayag og kolor nga mga bulak nga nagtubo sa daplin sa dalan.
Gihunong ni Mama ang bisikleta. Nagpunit siya og usa ka gihay sa bulak [petal] nga nahulog. “Ania o,” miingon si Mama.
Gihikap ni Tomoshi ang humok nga gihay sa bulak. Gigunitan niya kini og hinay sa iyang kamot.
Karon si Mama nagbiseklita na usab. Kanus-a sila moabut ngadto sa mga bulak nga ilang bu-buan?
“Hapit na ta moabut didto,” nag-ingon si Mama.
Nagwara-wara si Tomoshi sa usa ka nagpahiyom nga tigulang nga lalaki samtang sila milabay. Nagwara-wara siya sa usa ka bata nga naggunit sa kamot sa iyang lola.
Ug siya nagwara-wara sa gambalay sa Simbahan samtang nanghunong sila sa atubangan. Nahimo nila!
Nagtangtang si Mama sa helmet ni Tomoshi. Nagtunol siya ni Tomoshi sa iyang dalag nga kalo. Sul-ubon niya kini aron matabangan nga dili mainitan sa adlaw.
Dayon nagtabang si Tomoshi sa paggunit sa hayag nga berde nga pamu-bo nga balde. Nagpuno si Mama niini sa tubig.
Karon panahon na sa pagbu-bu sa mga bulak! Nagbu-bu si Tomoshi sa dalag nga mga bulak ug asul nga mga bulak ug rosas nga mga bulak. Siya nagsiguro nga ang matag tanom nabu-buan.
“Human na ang tanan!” Nag-ingon si Tomoshi.
“Salamat kanimo,” nag-ingon si Mama. “Ikaw nagtabang sa pagserbisyo sa Langitnong Amahan. Nagtabang ka nga ang Iyang Simbahan nindot nga tan-awon.”
Si Tomoshi nagpahiyom og dako. Malipayon siya nga makatabang.
Paghulagway ni Fumi Kosaka