Duart Ndihmëtare nëpër Botë
Takohu me Porterin nga Polonia
Nga një intervistë me Emi Xhejn Levitin.
Njihu me fëmijë të Fillores që po i ndihmojnë të tjerët, ashtu siç bëri Jezusi.
Gjithçka rreth Porterit
Mosha: 10 vjeç
Nga: SHBA dhe po jeton në Poloni
Gjuhët: Anglisht dhe po mëson frëngjisht
Familja: Babi, mami, vëllezërit Ethëni, Mejsëni e Konori dhe një qenushe e quajtur Xhinxhër
Synimet dhe ëndrrat: Të bëhet veteriner dhe të kujdeset për kafshët.
Duart Ndihmëtare të Porterit
Porteri gjithmonë kërkon gjëra të vogla që mund t’i bëjë për të ndihmuar të tjerët. Në shtëpi, ai i ndihmon prindërit e tij që të përgatitin vaktet e ushqimit për familjen. Në shkollë, ai sigurohet që çdo fëmijë të përfshihet në lojëra, veçanërisht fëmijët që shpesh lihen jashtë lojës. Ai ndihmon që të kujdeset për lodrat e pushimit, edhe në qoftë se nuk luajti me to. Gjithashtu bën gjëra që të ndihmojë kafshët. Ai është pjesë e një klubi në shkollë që bën lodra për qentë në qendrat e strehimit për kafshët.
Porteri ndihmoi edhe duke marrë pjesë në projektin BillionGraves. Ai me familjen shkuan në një varrezë për të bërë fotografi të pllakave të varreve. Vëllai i tij, Konori, ndihmoi në bërjen e fotografive. Pastaj i shkarkuan fotografitë në faqen e projektit në internet. Këto fotografi do t’i ndihmojnë njerëzit nëpër botë, të cilët po kërkojnë informacion mbi paraardhësit e tyre polakë.
Gjërat e Parapëlqyera të Porterit
Vendi: Virxhinia, SHBA dhe Hërshipark në Pensilvani të SHBA‑së
Historia rreth Jezusit: Kur Ai qetësoi detin
Kënga e Fillores: “Gethsemane” [“Gjetsemani”] (Friend ose Liahona mars 2018)
Ushqimi: Mandu (petka koreane)
Ngjyra: Vjollcë
Lënda në Shkollë: Leximi dhe matematika
Porteri duke ndihmuar për të bërë fotografi në një varrezë për një projekt mbarëbotëror për historinë familjare.
Ilustrimet nga C. B. Canga