Minahal nga mga Higala,

Dugay nang panahon, ang mga propeta misulat og importanting mga pulong gikan sa Langitnong Amahan. Karon atong mabasa kana nga mga pulong diha sa mga kasulatan. Ang Langitnong Amahan namulong usab kanato karon, pinaagi sa Iyang mga propeta!

Sa miaging bulan, atong nadungog ang propeta ug ubang mga lider sa Simbahan nga namulong sa kinatibuk-ang komperensiya. Gipakigbahin nila ang mga pulong nga gusto sa Langitnong Amahan nga madungog nato. Adto sa mga pahina 2–7 aron sa paghinumdom og pipila sa unsay ilang gipakigbahin. Sa unsang paagi ninyo masunod ang mga pagtulun-an sa propeta?

Nahigugma,

Ang Higala

Diin Ako Magbasa sa Higala

Si Paola C., edad 7, nagbasa sa Higala sa Portuguese didto sa Santa Catarina, Brazil!

Gusto Kami nga Makakita sa Templo

Matag Dominggo, si Noah ug Henry B., edad 6 ug 8, molakaw libot sa nataran sa Houston Texas Temple uban sa ilang pamilya.

Salamat!

Salamat sa inyong nindot kaayo nga mga magasin! Bisan tuod og nagbasa ako sa Alang sa Kalig-on sa mga Kabatan-onan nga magasin, ganahan gihapon ko sa ang Higala.

Jaden H., edad 11, Puerto Rico