Dali, Sunod Kanako

Makalingaw nga Panahon sa Kasulatan

Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.

Family History nga Kalingawan

Kantaha ang “Family History—Naghimo Ako” (Songbook sa mga Bata, 100).
Ang Langitnong Amahan ug si Jesus gusto nga atong higugmaon ang atong mga pamilya (tan-awa sa Doktrina ug mga Pakigsaad 126:3). Naglakip kana sa pagkat-on mahitungod sa atong family history.
Basaha ang istorya sa pahina 12 nga magdungan. Dayon paklia sa pahina 29 sa pagpangita og usa ka makalingaw nga kalihokan sa family history. Sulat kanamo ug ipakigbahin unsa ang imong gihimo! Tan-awa ang luyo nga hapin sa pagsusi kon unsaon.

Kantaha og dungan ang “Mga Pamilya Mahimong Managuban sa Kahangturan” (Songbook sa mga Bata, 98).
Si Jesus nagtudlo nga importante ang mga pamilya. Diha sa templo, kita mahimong ma-selyo ngadto sa atong mga pamilya hangtod sa kahangtoran (tan-awa sa Doktrina ug mga Pakigsaad 132:19).
Pagsugod og Family Tree! Ang matag sakop sa pamilya maghimo og usa ka dahon nga papel ug isulat ang ilang ngalan diha niini. Sa lain nga papel, pagdrowing og usa ka punoan sa kahoy. Dayon ipapilit o i-tape ang mga dahon sa ibabaw sa kahoy.

Kantaha ang “Kon Siya Moanhi Pag-usab” (Songbook sa mga Bata, 46–47).
Ugma damlag si Jesukristo moanhi pag-usab sa yuta (tan-awa sa Doktrina ug mga Pakigsaad 133:19–21, 25). Makaandam kita pinaagi sa pagkat-on mahitungod Kaniya, paghigugma sa uban, ug pagtuman sa mga sugo.
Paklia ang Pahina 15 ug buhata ang kalihokan mahitungod sa Ikaduhang Pag-anhi. Mahimo usab ka nga magdrowing og hulagway sa unsa ang imong hunahuna sa Ikaduha nga Pag-anhi mahisama.

Tan-awa sa “Praise to the Man,” (Hymns, nu. 19).
Si Joseph Smith usa ka propeta sa Dios (tan-awa sa Doktrina ug mga Pagkigsaad 135:3). Siya nagtudlo kanato mahitungod sa Langitnong Amahan ug ni Jesukristo. Mitabang siya sa pagpahiuli sa Simbahan ni Kristo.
Nganong mapasalamaton man ka ni Joseph Smith? Uban sa giya sa Langitnong Amahan, siya midala kanato sa Basahon ni Mormon, mga templo, ug daghan pang mga panalangin. Pagdrowing o pagsulat og pipila niining mga panalangin diha sa ginunting nga gilis sa papel. Dayon paghimo og usa ka kadena nga papel gikan niini!