Mga Higala sa Primary
Ang Primary mas makalingaw sa dihang mitabang si Lizzie ni Abby.
“Himoa hinuon ang imong kaugalingon nga panig-ingnan sa mga magtutuo” (1 Timoteo 4:12).
Sa una naghunahuna si Lizzie nga daghang mga kanta sa Primary laay. Ganahan siya nianang mahitungod ni Jesus, apan mibati siya nga tigulang na kaayo para sa pagdula-dula. Kasagaran maghoyhoy ra siya ug magbagotbot og mga pulong.
Apan dili na. Karon si Lizzie mikanta na sa tanang kanta nga malipayon kutob sa iyang mahimo. Molingkod siya og tarong. Siya mikanta og kusog. Nalingaw siya.
Tungod kay karon, si Abby naglingkod tupad niya.
Sayo nga bahin niining tuiga, si Lizzie ug ang ubang mga bata sa iyang klase gipares sa usa ka bag-ong Sunbeam. Trabaho nila ang pagtabang sa ilang higala nga Sunbeam nga mobati og mas komportable diha sa Primary.
Si Abby mao ang Sunbeam nga higala ni Lizzie. Nagtupad sila og lingkod diha sa Primary. Magdugan sila sa pagpanganta. Matag higayon nga magkita sila sa simbahan, kanunay silang magtimbayahay o maggakos.
Ganahan si Lizzie nga makita si Abby sa matag Dominggo. Ug siya nasayod nga si Abby ganahan makakita kaniya. Si Abby mitan-aw og maayo kaniya. Kon mokanta si Lizzie og kusog kaayo, ingon usab si Abby. Kon ikyugpos ni Lizzie ang iyang mga bukton ug molingkod sa matinahurong paagi, ingon usab ang buhaton ni Abby. Nakapahimo kini ni Lizzie nga gustong mahimong usa ka maayong ehemplo.
Ganahan si Lizzie nga magustohan ni Abby ang Primary. Ganahan si Abby nga malingaw ug mobati nga gihigugma. Magdungan sila sa pagkat-on mahitungod sa ebanghelyo!
Si Abby ug Lizzie magtupad, sama gayod sa matag Dominggo. Apan karon sila naglingkod sa atubangan diha sa chapel uban sa ilang Primary. Programa kadto sa Primary.
Nag-akin-akin si Abby ug mipahiyom ngadto ni Lizzie.
“Hapit na imong turno,” mihunghong si Lizzie. Matag bata sa Primary adunay bahin nga isulti diha sa ilang programa. Ang mas magulang nga mga bata, sama ni Lizzie, mobasa sa mas taas nga bahin. Ang mas bata, sama ni Abby, magmemorya sa mas mogbo. Nakatabang si Lizzie ni Abby nga makamao sa iyang bahin.
“Hinumdomi lang, kusog ug maklaro alang sa tanan nga makadungog,” miingon si Lizzie.
“Mouban ka nako, dili ba?” Miingon si Abby. Gikulbaan siya tan-awon.
“Siyempre!” Miingon si Lizzie. “Motupad ko nimo. Mahimo ra nimo kini.”
Mibarog sila ug mikanta uban sa tanang mga bata. Nahinumdoman ni Lizzie sa iyang pagkadili ganahan diha sa programa sa Primary. Apan uban kang Abby, lingaw kaayo kadto!
Sunod turno na ni Abby sa pagsulti. Ang duha ka batang babaye milakaw paingon sa mikropono. Mitabang si Lizzie ni Abby sa pagtikang sa tungtonganan nga bangkito. Wala nakalihok si Abby. Nahadlok siya tan-awon.
Gigakos ni Lizzie si Abby. Gihugtan niya sa paggakos ang abaga ni Abby ug mihunghong, “Sa akong mga pag-ampo …”
Miginhawa og lawom si Abby. “Sa akong mga pag-ampo, ako mosulti sa Langitnong Amahan unsa ako kamapasalamaton.” Ang iyang tingog masaligon ug klaro.
Mipahiyom og dako si Abby, migunit sa kamot ni Lizzie, ug mikanaog sa bangkito. Nanglingkod sila samtang ang ubang mga bata miduol ngadto sa mikropono.
“Nindot kaayo, ang gibuhat nimo Abby!” Miingon si Lizzie.
“Igo ba ang akong gikusgon ug kaklaro?” Nangutana si Abby.
“Perpekto kaayo!” Miingon si Lizzie. “Sigurado ko nga makadungog sila nimo nga anaa sa kinaluyohan nga mga lingkuranan!”
Si Abby malipayon ug misandig ni Lizzie. Naminaw sila samtang ang uban nga mga bata nagmimorya sa unsa ilang gipasalamatan.
“Oy, Lizzie?” Miingon si Abby. Iyang gibira si Lizzie ug mihunghong sa iyang dunggan.
“Mapasalamaton ko nimo.”
Mipahiyom si Lizzie. “Mapasalamaton usab ko nimo!”
Mga paghulagway pinaagi ni Liz Brizzi