Pagtabang Sama ni Jesus

Si Jesus Mipasidungog sa Iyang mga Ginikanan

Ang pagpasidungog sa mga ginikanan nagpasabot sa paghigugma, pagtahod, ug pagtuman kanila. Si Jesus mipasidungog sa Iyang mga ginikanan, sila si Maria ug Jose, dinhi sa yuta. Siya mipasidungog usab sa Iyang Langitnong Amahan pinaagi sa pagtuman sa mga kasugoan.

Samtang Siya nagdako, si Jesus mituman sa Iyang yutan-ong mga ginikanan. Siya mihigugma ug miamuma kanila. Bisan kon Siya hapit na mamatay diha sa krus, Siya mihangyo sa usa sa Iyang disipulo sa pag-atiman sa Iyang inahan.

Mabasa ninyo kining tibuok nga istorya diha sa Lucas 2:51–52.

Motabang ko sa pagbilin sa akong kwarto nga limpyo. Motabang usab ko ni Mamá sa pag-andam sa lamesa alang sa pamahaw, paniudto ug panihapon. Motabang ko sa mga binuhi, mohipos sa akong mga dulaan, ug mobantay sa akong gagmayng manghod nga lalaki.

Sebastian V., edad 7, Central Department, Paraguay

Ako Makapasidungog sa Akong mga Ginikanan

• Unsaon nimo pagtabang ang imong ginikanan o tig-atiman?

• Molitok og pag-ampo ug mohimo og plano sa pagtabang.

• Buhata ang imong plano!

• Guntinga kini nga kard aron sa pagpahinumdom kanimo sa pagpadayon og tabang sama ni Jesus.

Kumusta ang imong pagpaningkamot sa pagtabang sa uban, sama sa gibuhat ni Jesus? Pagsulat ug sultihi kami.

Paghulagway pinaagi ni Andrew Bosley