Usa ka Mensahe sa Komperensiya gikan sa Propeta
Atong Lig-on nga Pundasyon
Gipahaom gikan sa, “Ang Templo ug Ang Inyong Espirituwal nga Pundasyon,” Liahona, Nob. 2021.
Ang Templo sa Salt Lake gitukod kapin sa 100 ka tuig na ang milabay. Ang mga pioneer mitukod niini gamit ang mga himan niadtong panahona. Kini nindot kaayo. Apan kon atong tan-awon pag-ayo ang pundasyon, atong makita nga ang ubang mga bato nagkahuyang sa paglabay sa panahon. Makita usab nato ang mga kang-a taliwala sa mga bato ug ubang dili lig-on nga mga bato.
Mga enhinyero, mga arkitekto, ug mga pahenante sa konstraksiyon nagtrabaho karon aron sa paghimong mas lig-on pa ang pundasyon sa templo. Inig ka human na nila, ang templo lig-on nga makasugakod sa mga linog ug kusog nga mga hangin. Igo ang kalig-on niini nga molungtad og daghan, daghang katuigan.
Kinahanglan natong tukoron ang pundasyon sa atong kinabuhi ibabaw sa sukaranan sa atong Manunubos, si Jesukristo. Dayon kon mahitabo ang espirituwal nga mga linog, lig-on kitang makabarog.
Ang tanang butang nga atong makat-onan sa templo makatabang kanato nga mas makasabot bahin ni Jesukristo. Kon ang inyong espirituwal nga pundasyon natukod nga lig-on diha ni Jesukristo, kamo dili kinahanglan nga mahadlok. Kamo mapalig-on pinaagi sa Iyang gahom.
Si Jesukristo Mao ang Akong Tinuod nga Pundasyon
Wala: Hulagway sa Templo pinaagi ni Bailey Rees; litrato ni Presidente Nelson sa maayong kabubut-on sa Church News; Tuo: Hulagway pinaagi ni Bryan Beach