Istoryahi Ko og usa ka Pagsuroy-suroy
Tingkatulog na. Apan dili pa katulugon si Sam.
“Istoryahi ko og usa ka pagsuroy-suroy , Ma,” miingon siya. “Sultihi ko sa dihang gamay pa ka.”
“OK,” miingon si Mama. Iyang gihapyod ang iyang buhok. Naghunahuna siya og kadiyot.
“Sa gamay pa ko,” miingon si Mama, “ganahan mi magtukod og mga lungsod kunohay. Mihimo kami og balay gikan sa mga habol ug lingkoranan. Ang akong mga igsoonan tanan adunay trabaho nga dili maminaw.”
“Unsa ang imong trabaho?” Nangutana si Sam.
“Nagdumala ko og tindahan. Naghimo kami og sinsilyo sa papel. Makapalit ka og pagkaon ug mga pamantalaan. Kami ganahan nga magdula diha sa among lungsod.”
“Unsa pay inyong mabuhat?” Nangutana si Sam.
“Usa ka higayon naghimo kami og usa ka zoo alang sa among lungsod. Among gigamit ang among unlan-unlan [stuffed] nga mga hayop.”
Gitunol ni Sam ang iyang teddy bear. “Parehas ani?”
“Parehas niana,” miingon si Mama. “Ang tawo nga moadto ug motan-aw sa zoo.”
Gipahimutang ni Sam ang iyang teddy bear. “Sultihi ko og dugang, Mama.”
“Magsinulatay usab kami sa usag usa. Amo kining gibutang kunohay sa butanganan sa sulat. Ang imong uyoan mao ang kartero [mailman]. Mihatod siya sa mga sulat sa atong balay. Makalingaw kadto nga mga makadawat og sulat.”
Gusto ni Sam mosulat! Tingali makahimo siya og usa ka sulat ugma.
“Usahay naglalis kami,” miingon si Mama. “Apan mangayo kami og pasaylo ug maningkamot na usab. Nakat-on kami nga magkasinabot ug malingaw.”
“Sama nako ug ni Ava,” miingon si Sam.
“Oo,” miingon si Mama. “Ingon ra niana. Nagkat-on usab kamo nga magkasinabtanay.”
“Nindot kana nga istorya,” miingon si Sam. “Mahimo ba masulti ka nako og usa ka lain pang pagsuroy-suroy ugma?”
“Oo,” matud ni Mama. “Sultihan ko ikaw mahitungod sa gamay pa ang imong papa.”
Si mama mihalok ni Sam. Iyang gisoksok ang mga habol nga masduol.
“Maayong gabii,” miingon si Sam. Dayon iyang gipiyong iyang mga mata ug naghunahuna sa mga zoo ug mga lungsod ug sa mga sinsilyo nga papel.