Matinabangong mga Kamot [Helping Hands] sa tibuok Kalibotan
Himamata si Magali gikan sa Uruguay
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Magali
Edad: 11
Gikan sa: Uruguay
Pinulongan: Kinatsila
Pamilya: Papa, Mama, usa ka igsoon nga lalaki, duha ka igsoon nga mga babaye, ug Lola
Mga Tumong ug Mga Pangandoy: 1) Magmisyon. 2) Makigtambayayong sa UNICEF aron sa pagtabang sa mga bata sa tibuok kalibotan.
Ang Matinabangong mga Kamot ni Magali
Gitabangan ni Magali ang iyang mga ginikanan sa ilang umahan. Gipundok niya ang mga itlog sa mga himungaan aron makaon sa iyang pamilya. Gihatagan niya og gatas ang mga nati nga baka ug tubig ang mga kuneho. Ang pagtabang sa iyang pamilya mitudlo kaniya nga ang pagserbisyo usa ka importante kaayo nga butang. Miingon si Magali, “Kinahanglan moserbisyo kita kanunay niadtong naglibot kanato.”
Laing paagi nga nagserbisyo si Magali mao ang pagtabang sa iyang lola sa pagbasa sa mga kasulatan, ilabi na sa Basahon ni Mormon. Malipayon kaayo siya sa pagsunod ni Jesus pinaagi sa pagtabang sa uban.
Mga Paborito ni Magali
Dapit: Montevideo Uruguay Temple
Istorya mahitungod ni Jesus: Sa dihang giayo ni Jesus ang babaye nga mihikap sa Iyang kupo
Awit sa Primary: “Kon Ako Bunyagan” (Songbook sa mga Bata, 53)
Pagkaon: Tanan nga lutoon sa iyang inahan
Kolor: Pink
Hilisgotan sa Eskwelahan: Math
Mga paghulagway pinaagi ni Tammie Lyon