ដំណើររឿងក្នុងព្រះគម្ពីរ
ពីមុនយើងមកផែនដី
អ្នកអាចអានដំណើររឿងនេះនៅក្នុង អ័ប្រាហាំ ៣:២២–២៧ ។
ពីមុនយើងកើតមក យើងបានរស់នៅជាមួយព្រះវរបិតាសួគ៌ ។ ទ្រង់បានបង្រៀនយើងអំពីផែនការនៃសុភមង្គលរបស់ទ្រង់ ។
ព្រះវរបិតាសួគ៌បានមានព្រះបន្ទូលថា យើងនឹងមកកាន់ផែនដីដើម្បីទទួលបានរូបកាយ ។ យើងនឹងរៀន ហើយធ្វើការជ្រើសរើស ។ នៅពេលខ្លះយើងអាចធ្វើខុស ។ យើងនឹងត្រូវការព្រះអង្គសង្រ្គោះ ។
ព្រះអង្គសង្រ្គោះនឹងបង្ហាញយើងពីរបៀបរស់នៅ ។ ហើយនៅពេលយើងធ្វើខុស យើងអាចធ្វើការប្រែចិត្ត ។
ព្រះយេស៊ូវ មានបន្ទូលថា « ទូលបង្គំនៅឯណេះហើយ សូមចាត់ទូលបង្គំចុះ » ។ ព្រះវរបិតាសួគ៌បានជ្រើសរើសទ្រង់ដើម្បីធ្វើជាព្រះអង្គសង្រ្គោះរបស់យើង ។ ព្រះយេស៊ូវបានសន្យាថានឹងយាងមកផែនដីដើម្បីសង្រ្គោះយើង ។
យើងអាចធ្វើតាមព្រះយេស៊ូវ ។ នៅថ្ងៃណាមួយ ខ្ញុំអាចត្រឡប់ទៅរស់នៅជាមួយព្រះវរបិតាសួគ៌វិញ ។
រចនារូបភាពដោយ អាបរីល ស្តុត