មិត្តទៅកាន់មិត្ត
ការជួយដូចជាព្រះយេស៊ូវ
កាលដែលខ្ញុំនៅក្នុងថ្នាក់អង្គការបឋមសិក្សា ប្អូនប្រុសរបស់ខ្ញុំទើបចេះដើរ ហើយប្អូនស្រីរបស់ខ្ញុំនៅជាទារកនៅឡើយ ។ ម្តាយរបស់ខ្ញុំរវល់មើលពួកគេខ្លាំងណាស់នៅពេលថ្ងៃ ដូច្នេះនៅពេលខ្ញុំត្រឡប់ពីសាលាមកផ្ទះវិញ ខ្ញុំបានជួយគាត់ ។ ខ្ញុំបានដាក់ប្អូនប្រុសខ្ញុំនៅក្នុងរទេះកូនង៉ែត ហើយរុញដើរនៅជុំវិញជិតខាងជាមួយគាត់ ម្តងហើយម្តងទៀត ។ យើងនិយាយអំពីពិភពលោកដ៏ស្រស់ស្អាតជាមួយគ្នា ហើយមើលទៅសត្វចាប សត្វល្អិតៗ និងសត្វចិញ្ចឹមរបស់អ្នកជិតខាងយើង ។ វាគឺជារឿងតូចតាច ប៉ុន្តែវាធ្វើឲ្យមានភាពខុសគ្នាយ៉ាងច្រើន ! វាជួយឲ្យម៉ាក់ខ្ញុំមានអារម្មណ៍រីករាយ និងបានសម្រាក ។ វាបានជួយគ្រួសាររបស់ខ្ញុំទាំងមូល ។ វាគឺជារបៀបមួយនៃការជួយដូចជាព្រះយេស៊ូវមានព្រះទ័យចង់ឲ្យយើងជួយ ។
តើក្មួយៗអាចជួយយ៉ាងដូចម្តេច ?
ក្នុងនាមជាកុមារនៅក្នុងអង្គការបឋមសិក្សា ក្មួយៗអាចធ្វើឲ្យមានការខុសប្លែកយ៉ាងធំជាមួយនឹងទង្វើនៃអំពើល្អតូចៗរបស់ក្មួយៗ ។ នៅពេលក្មួយៗប្រើដៃជំនួយរបស់ក្មួយៗបម្រើដល់អ្នកដទៃ នោះក្មួយៗកំពុងតែតំណាងឲ្យព្រះយេស៊ូវគ្រីស្ទ ។ ក្មួយៗកំពុងជួយអ្នកដទៃទទួលអារម្មណ៍នៃក្តីស្រឡាញ់ ។
រៀនពីដំណើររឿងរបស់ព្រះយេស៊ូវ ។ បន្ទាប់មកសូមសួរខ្លួនឯងថា « តើព្រះយេស៊ូវនឹងធ្វើអ្វី ? » មានមនុស្សជាច្រើននៅជុំវិញក្មួយៗដែលត្រូវការជំនួយ ។ ពួកគាត់ខ្លះគឺនៅក្នុងផ្ទះរបស់ក្មួយៗ ឬនៅផ្ទះទល់មុខក្មួយៗ ។
នៅពេលក្មួយៗធ្វើរឿងសាមញ្ញៗដើម្បីជួយ នោះព្រះវិញ្ញាណបរិសុទ្ធនឹងជួយក្មួយៗមានអារម្មណ៍ល្អនៅក្នុងចិត្ត ។ ក្មួយៗនឹងដឹងថាក្មួយៗបានធ្វើអ្វីដែលព្រះយេស៊ូវនឹងធ្វើ ។
វាក៏មានសារៈសំខាន់ដើម្បីទទួលយកជំនួយពីអ្នកដទៃផងដែរ ។ នៅពេលអ្នកដទៃជួយយើង នោះយើងអាចមានអារម្មណ៍ពីសេចក្តីស្រឡាញ់របស់ព្រះអង្គសង្រ្គោះចំពោះយើងផងដែរ !
មីងស្រឡាញ់ក្មួយៗ ! មីងដឹងថាព្រះយេស៊ូវគ្រីស្ទស្រឡាញ់ក្មួយៗ ! ក្មួយៗនឹងទទួលអារម្មណ៍នៃក្តីស្រឡាញ់របស់ទ្រង់ នៅពេលក្មួយៗប្រើដៃជំនួយរបស់ក្មួយៗដើម្បីបម្រើដល់អ្នកដទៃ ។
ដៃជំនួយរបស់ប្អូន
រឿងលម្អិតអំពីប្អូន
អាយុ ៖
មកពី ៖
ភាសា ៖
ក្រុមគ្រួសារ ៖
គោលដៅ និងក្ដីសុបិន ៖
សូមប្រាប់យើងអំពីគ្រានៅពេលដែលប្អូនបានជួយនៅឯផ្ទះ ឬនៅក្នុងសហគមន៍របស់ប្អូន ៖
តើប្អូនមានអារម្មណ៍យ៉ាងណានៅពេលប្អូនជួយអ្នកដទៃ ឬធ្វើតាមព្រះយេស៊ូវ ?
ចំណង់ចំណូលចិត្តរបស់ប្អូន
ទីកន្លែង ៖
ដំណើររឿងអំពីព្រះយេស៊ូវ ៖
ចម្រៀងអង្គការបឋមសិក្សា ៖
អាហារ ៖
ពណ៌ ៖
មុខវិជ្ជារៀននៅសាលា ៖
រចនារូបភាពដោយ ស៊ីមីនី ប្លកឃើរ