Ua Aapa Atu Carolina
E mafai faapefea ona fesoasoani Carolina i lana uo?
Sa taumafai Carolina e faalogo i lona faiaoga. Ae sa le mafai ona ia taofia le tilotilo atu i lana uo o Ramón. Sa le‘i i ai se lauulu!
Sa alu se taimi o toulu ona lauulu. O lea la ua ulupoo.
Sa faalogoina e Carolina se leo i ona tua. Sa taliē Cesar ma Luis. Sa faamoemoe o ia talosia la te le o talie ia Ramón.
I le taeao atoa, sa faatautau i lalo tau‘au o Ramón. Sa le‘i sii lona lima. Sa ia foliga faanoanoa. Sa moomoo Carolina ia mafai ona ia fesoasoani ia te ia ia maua se lagona lelei.
Mulimuli ane ua oo i le taimi e taalo ai i fafo. O Ramón lava na muamua i fafo o le potuaoga. Ina ua alu atu Carolina i fafo, sa le mafai ona ia iloa atu o ia i soo se mea! Sa le‘i taalo soka o ia. Sa le‘i a‘e o ia i luga o pa. Ma sa le‘i taalo i le musa i le mea o loo iai le faiaoga.
A lale! Sa tu Ramón i le tulimanu o le fanua. Ma sa i ai foi iina Cesar ma Lui. Sa savali latalata atu i ai Carolina.
“Vaai i le telē o lona ulu!” Sa ee atu ai Cesar.
Sa ata Luis. “Ou te seleina foi lo’u ulu pe afai e auleaga so’u lauulu.”
Sa uu lima o Ramón i ni moto. Sa foliga mai atonu o le a tagi o ia.
Sa tamoe atu Carolina ia Ramón. “E te fia taaalo faatasi ma a‘u?” o lana fesili lea. Sa ia tuuina atu lona lima, ma sa la savavali ese faatasi. Sa la savavali pea seia oo ina la latalata atu i le faiaoga. E leai se tasi e faalavelave ia i la‘ua iina.
“E te fia taalo musa?” Sa fesili atu ai Carolina.
Sa lue atu le ulu o Ramón. Sa ia tusia laina o sioka i luga o le palapala.
“O lelei mea uma?” o lana fesili lea.
“Ua lelei i le taimi nei.” Sa ataata Ramón. “Faafetai mo le fesoasoani mai ia te a‘u.”
Sa ataata Carolina. Sa fiafia o ia sa lava lona lototele e fesoasoani ai i lana uo!
Ata na tusia e Hollie Hibbert