Mai le Au Peresitene Sili
O Oe o se Atalii/Afafine Faapelepele o le Atua
Sii mai le Uo i le Uo Faasalalauga mo Tamaiti: 2021. Maimoa ai i le ChurchofJesusChrist.org/broadcasts.
A‘u uo talavou pele, Ou te alofa ia te outou! Pe a ou vaai ia te outou, ou te mafaufau i fanau a fanau a la‘u fanau. Na e iloaina i lo‘u aiga, e silia ma le 100 fanau a fanau a le ma fanau e i lalo ifo o le 12 tausaga le matutua? E atamamai ma taua tele, e pei lava o outou.
O oe o se atalii/afafine faapelepele o le Atua. Faamolemole ia manatua lena mea moni. Afai e le galo lava ia te oe lena upumoni mama e tasi, e mafai ona e feagai ma soo se faafitauli i le faatuatua ma le lototele.
Pe a e papatiso ma faamauina, ua e faia se folafolaga o le a e mulimuli i le Alii. Ma ua Ia folafola mai o le a Ia auina mai Lona Agaga e taiala oe. Tau lava o le mafaufau i le malamalama ma le alofa e mafai ona e aumaia i le lalolagi o se soo faamaoni o Iesu Keriso!
A‘u uo talavou pele, ou te matua mitamita lava ia te outou taitoatasi! Ou te iloa o loo leoleo mai le Tama Faalelagi ia te outou. E alofa tele o Ia ia te outou, ma e faapena foi a‘u.
O Le Fuafuaga o le Fiafia a le Tama Faalelagi
Valivali ata e aoao atili ai e uiga i le fuafuaga a le Tama Faalelagi. Faitau atili i le Aperaamo 3–5.
Sa tatou ola faatasi ma le Tama Faaleleagi ae tatou te le‘i fananau mai.
Sa Ia fetalai atu ia Iesu Keriso e foafoa le lalolagi mo i tatou.
Na faia e Iesu le la, le masina, ma fetu e aumaia ai le malamalama.
Na faia e Iesu le lalolagi ia matagofie i laau ma fugalaau. Sa Ia faia i‘a, manulele, ma manu.
Ona tuu lea e le Tama Faalelagi ia Atamu ma Eva, o tatou uluai matua, i le lalolagi.
E alofa le Tama Faalelagi ia te a‘u ma leoleo mai ia te a‘u.
Ata na tusia e Elise Black