O Le Talofa Nuanua
Sa puna Darcy i luga o se vaivai. Sa ata o ia. O aso timuga e manaia. Sa fai le la miliga vaa laulaau ma Tina i le vai. Sa alaga fiafia Darcy a o opeopea lana laulaau.
Sa ia tamoemoe lemu i le va o vaivai ma sioka felanulanuai i lima taitasi. Sa ia valivaliina le auala savali ma e oo lava i se maa tele. Sa manaia le ata mai o lanu mananaia agai le lagi efuefu. Sa le‘i ano tele Darcy i le malulu.
Sa tilotilo a‘e i luga Darcy i le lagi puaoa.
“Tina, e mafai ona silasila mai le Tama Faalelagi ia te a‘u i le taimi nei?” Sa fesili atu ai Darcy.
“Ioe. E mafai e le Tama Faalelagi ona vaai atu ia te oe i le taimi nei,“ o le tala lea a Tina.
Sa mafaufau Darcy mo sina taimi. Ona ia uu lea i luga lona lima ma talotalo atu.
“Talofa!” o lana tala lea, ma talotalo atu i le lagi. Atonu e mafai e le Tama Faalelagi ona vaai atu ia te ia o talotalo atu ia te Ia!
Mulimuli ane, na o atu ai Darcy ma Tina i totonu e faamafanafana ai.
Sa uu mai e Darcy se pepa ma vali se nuanua susulu. Sa ia faaali atu ia Tama ina ua ia taunuu i le fale. Sa ia ta‘u atu ia te ia mea uma e uiga i lona fiafia i aso timuga.
Ina ua uma le taumafataga o le afiafi, sa goto le la. “Ta o e vaai i le goto o le la,” o le tala lea a Tama.
Sa la‘ua savavali atu i fafo. Sa manogi e pei o le fogaeleele ua uma ona taele. O ao sa felefele ma piniki. Ma i le lagi o se nuanua sili ona susulu, ma sili ona matagofie!
“E te manatuaina po o ai e faia nuanua?” O le fesili lea a Tina.
“E faia e le Tama Faalelagi i latou!” o le tala lea a Darcy.
Sa fusi e Darcy ona lima e pei o se opo ia te ia lava. “Ou te manatu o loo Ia fetalai mai ‘talofa’ ia te a‘u!”
Ata na tusia e Cristina Trapanese