Uo i le Uo

Fesoasoani e Pei o Iesu

Saunia e Camille N. Johnson

Peresitene Aoao o le Peraimeri

girl pushing young boy in stroller

A o ou i ai i le Peraimeri, o lo‘u tuagane o se tamaitiiti laitiiti, ma o lo’u uso o se pepe. Sa pisi tele lo‘u tina i le tausiga o i la‘ua i le ao, o lea ina ua ou sau i le fale mai le aoga, sa ou fesoasoani ia te ia. Sa ou tuuina lo‘u tuagane i totonu o le taavale pepe ma savalivali solo faatasi ma ia i le poloka, toe fai ma toe fai. Sa ma talanoa faatasi e uiga i le lalolagi matagofie ma tilotilo atu i manulele, manu ninii, ma le fagafao a le matou tuaoi. O se mea laitiiti, ae sa faia ai se eseesega tele! Sa fesoasoani i lo‘u tina ia lagona le fiafia ma le malolo. Sa fesoasoani i lo‘u aiga atoa. O se auala e fesoasoani ai e pei ona finagalo Iesu ia tatou fesoasoani atu.

E Mafai Faapefea Ona E Fesoasoani?

Jesus with children

I le avea ai ma fanau o le Peraimeri, e mafai ona e faia se eseesega tele i au faatinoga laiti o le agalelei. Pe a e faaaogaina ou lima fesoasoani e auauna atu ai i isi, o loo e fai ma sui o Iesu Keriso. O loo e fesoasoani i isi ia lagona Lona alofa.

Aoao ia tala e uiga ia Iesu. Ona fesili ifo lea ia te oe lava, “O le a se mea o le a faia e Iesu?” O loo i ai tagata o loo siomia oe o loo manaomia le fesoasoani. O nisi o i latou o loo i totonu o lou lava fale, pe i le isi itu o le auala.

Pe a e faia ni mea faigofie e fesoasoani ai, o le a fesoasoani le Agaga Paia ia te oe ia maua lagona lelei i totonu. O le a e iloa na e faia le mea o le a faia e Iesu.

E taua foi le talia o le fesoasoani mai isi. Pe a fesoasoani mai isi ia i tatou, e mafai foi ona tatou lagonaina le alofa o le Faaola mo i tatou!

Ou te alofa ia te outou! Ou te iloa e alofa Iesu Keriso ia te outou! O le a e lagonaina Lona alofa pe a e faaaogaina ou lima fesoasoani e auauna atu ai i isi.

Ia Avea ma Se Vaega o le Vaega o Lima Fesoasoani!

• I lomiga taitasi o le Uo, faitau e uiga i se tamaitiiti Peraimeri o loo fesoasoani e pei o Iesu (itulau 18).

• Aoao e uiga i se auala na fesoasoani ai Iesu i isi (itulau 20). Ona oti ese lea o le kata e fesoasoani ia te oe e auauna atu ai.

• Ia faasoa atu nei pe na faapefea ona e fesoasoani e pei o Iesu po o le auala na fesoasoani ai se tasi ia te oe! Faatumu le itulau o loo i lalo ma auina mai ia i matou se ata ma se faatagaga a matua. Alu i le faavaa pito i tua e vaai pe faapefea.

O Au Lima Fesoasoani

Mea uma e uiga ia te Oe

Tausaga:

Afioaga:

Gagana:

Aiga:

Sini ma Miti:

Ta‘u mai ia i matou se taimi na e fesoasoani ai i le fale po o lou nuu:

O le a sou lagona pe a e fesoasoani i isi pe mulimuli ia Iesu?

O Mea e Te Fiafia I Ai

Nofoaga:

Tala e uiga ia Iesu:

Pese a le Peraimeri:

Meaai:

Lanu:

Mataupu e Sili ona Fiafia ai i le Aoga:

Faatumu le itulau ma auina atu i le Uo.

Auina atu foi se ata, pe a mafai ona e faia!

Page from the January 2022 Friend Magazine.

Ata na tusia e Simini Blocker