Fesoasoani e Pei o Iesu

Sa Fesoasoani Iesu i Tagata o loo Manaomia le Fesoasoani

Jesus helping up a sick man

A o i ai o Ia i le lalolagi, sa faamalolo e Iesu tagata o e na mama‘i. Sa Ia fafagaina i latou o e sa fiaaai. Sa Ia tuuina atu le faamafanafanaga i tagata na lagonaina le tuuatoatasi.

Sa aoao atu foi e Iesu Ona soo e fesoasoani i isi. Sa Ia fetalai e tatau ona latou avatu ni meaai, vai, ma lavalava i tagata o e manaomia i latou. Sa Ia ta‘u atu ia i latou e asiasi i tagata o e na tuuatoatasi. Na fetalai Iesu a o latou auauna atu i isi, sa pei lava o loo latou auauna atu ia te Ia.

E mafai ona e faitauina lenei tala i le Mataio 25:35–40.

boy carrying firewood

Ua auauna atu lo‘u aiga ia Sister Rosa. O Sister Rosa e 90 tausaga, o lea e le mafai ai ona alu ese o ia mai lona fale. Ou te fesoasoani ia Tama e uta ma ave fafie mo Rosa.

Ignacio G., 9 tausaga, Matagaluega a Canelones, Iurukuei

E Mafai Ona Ou Fesoasoani ia i Latou e Manaomia le Fesoasoani

• O ai se tagata e te iloaina e manaomia le fesoasoani?

• Fai se tatalo ma fai se fuafuaga e fesoasoani ai ia i latou.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Page from the January 2022 Friend Magazine.

Ata na tusia e Sarah Keele