Hjálpa eins og Jesús

Jesús hjálpaði nauðstöddum

Þegar Jesús var á jörðu, læknaði hann hina sjúku. Hann gaf þeim að borða sem voru hungraðir. Hann huggaði þá sem voru einmana.

Jesús kenndi líka lærisveinum sínum að hjálpa öðrum. Hann bauð þeim að gefa nauðstöddum mat, vatn og klæði. Hann bauð þeim að vitja þeirra sem væru einir. Jesús sagði að þegar þeir þjónuðu öðrum, væri það eins og þeir þjónuðu honum.

Þið getið lesið þessa frásögn í Matteus 25:35–40.

Fjölskylda mín veitir systur Rosu hirðisþjónustu. Systir Rosa er 90 ára og getur því ekki farið út af heimili sínu. Ég hjálpa pabba að hlaða og fara með eldivið til Rosu.

Ignacio G., 9 ára, Canelones Department, Úrúgvæ

Ég get hjálpað nauðstöddum

• Hvern þekkið þið sem er hjálpar þurfi?

• Segið bæn og gerið áætlun um að hjálpa þeim.

• Framkvæmið áætlun ykkar!

• Klippið þetta spjald út til áminningar um að hjálpa áfram eins og Jesús.

Hvernig reynið þið að hjálpa öðrum eins og Jesús gerði? Skrifið og segið okkur frá því.

Myndskreyting eftir Sarah Keele