Mai le Au Peresitene Sili

O Se Nofoaga Paia

Saunia e Peresitene Henry B. Eyring

Fesoasoani Lua i le Au Peresitene Sili

Sii mai le “Ou Te Fia Vaai i le Malumalu,” Liahona, Me 2021, 28–31.

a young President Eyring smiling at an older lady in a white dress

Ou te manatua le aso muamua na ou alu ai i totonu o le Malumalu o Sate Leki. Sa faafeiloai a’u e se tamaitai lauulu-sinasina i se ofu paepae o le malumalu. Sa ia fai mai, “Susu maia i le malumalu, Brother Eyring.” Sa ou manatu mo sina taimi o ia o se agelu ona sa ia iloa lo’u igoa. Sa galo ia te a‘u o lo’u igoa sa i luga o se tamai kata sa faamauina i lo‘u pelaue suti.

Sa ou tilotilo a‘e i luga i le fa’alo paepae maualuga. Sa matua malamalama le potu ma sa foliga mai sa matala i le lagi. Sa ou lagonaina sa ou i ai muamua iina. Ona ou lagonaina lea sa ou i ai i se nofoaga paia faapena ae ou te le’i fanau mai.

O upu “E Paia i le Alii” o loo tusia i fafo o o tatou malumalu uma. Ou te iloa e moni na upu. O le malumalu o se nofoaga paia lea e faigofie ona oo mai ai faaaliga ia i tatou pe a tatala atu i ai o tatou loto ma tatou agavaa i ai.

Ou te tatalo o le a e manao e te alu iina, i le mea e mafai ona e lagona ai le latalata atu i le Alii. E mafai ona e fesoasoani i ou tuaa ia faatasi ma Ia ma oe e faavavau.

Upu o le Talalelei

O lefaaaliga o se savali lea mai le Atua i Ana fanau. O faaaliga e ala mai i le Agaga Paia. Sa ta‘u atu e le Agaga Paia ia Peresitene Eyring a o le’i fanau mai o ia, sa i ai o ia i se nofoaga paia e pei o le malumalu.

Ou te Fia Vaai i le Malumalu

drawing activity to draw a temple

Kopi laina i luga o le kalama e faauma ai le isi afa o le Malumalu o Calgary Alberta.

I totonu o le malumalu, e mafai ona tatou osia feagaiga, po o folafolaga, ma le Tama Faalelagi. O le a se mea o e tulimatai atu i ai e uiga i le alu i le malumalu i se aso?

Ata na tusia e Melissa Manwill