Tusia e Oe
O Sini mo le Papatisoga
Ia Novema 2019, sa ou faalogologo ai i le Talanoaga Faafesagai a Elder Gong e uiga i le polokalama a Tamaiti ma le Autalavou faatasi ma lo’u aiga. Mulimuli ane, sa tuuina mai e lo‘u epikopo ia i matou ni tamaitusi e fesoasoani ai e galulue agai i a matou sini.
O la‘u sini muamua lava o le faamae’aina lea o le faitauina o le Tusi a Mamona a o le’i oo i lo’u aso fanau lona valu e saunia ai mo lo‘u papatisoga. Ua amata ona ou faitauina ae sa aunoa ma se naunautai tele. Ae o lena aso sa ma faia ai se fuafuaga ma lo‘u tamā. Sa ma iloaina le tele o mataupu sa tatau ona ou faitauina i aso taitasi e faauma ai le Tusi a Mamona a o le’i oo i lo‘u papatisoga. Sa amata ona ou faitau i aso uma ma makaina pe a uma ona ou faitauina vaega taitasi.
A o ou faitau, sa ou manao e fai nisi mea lelei. O lea sa ou auai ai i le anapogi i le lalolagi atoa na faasilasila mai e Peresitene Nelson e fesoasoani e pulea le KOVITI-19. Sa ou fiafia e mafai ona ou faia se anapogi atoa. Sa uunaia a‘u e o’u matua ia tatalo foi ma anapogi ia maua la‘u lava molimau o le Tusi a Mamona ma le papatisoga.
I le Aso Sa muamua ia Me, sa ou tatalo ai ma anapogi. E le’i leva, ae uma ona ou faitauina atoa le Tusi a Mamona. Sa ou fiafia mo lo‘u papatisoga—i lo’u aso fanau. Sa ou lagona le saunia e osia lenei feagaiga ma le Atua! Ou te iloa e moni le Tusi a Mamona. Sa ou fiafia e faitau i ai, ma ou te fiafia sa ou ausia lenei sini faatasi ai ma le fesoasoani a lo‘u aiga.
Ata na tusia e Rosalie Ledezma