Tusia e Oe
Aoao atu ma le Uo
I se tasi aso na o mai ai faifeautalai matutua, o Elder ma Sister Haines i lo‘u fale. Sa manaomia e Elder Haines la‘u fesoasoani. E mafai ona ia faitauina upu Siamani ae e le malamalama i le uiga o nisi o na upu. Sa ia maua se tala i le Liahona o Kleiner (Uo) ma faitau mai ia te a’u i le faaSiamani. Sa ou faaliliuina i le faaPeretania mo ia ina ia ona iloa le mea sa ia faitauina. O i ma’ua o se ‘au lelei!
E ui lava na te le manatu i ai, ae sa lelei le faitau a Elder Haines i le faaSiamani. E na o le faatasi lava ona ou fai atu ia te ia, “Ou te le iloa po o le a lau tala.” Ina ua uma ona fesoasoani lo‘u tina ia te ia i lana faaleoga faaSiamani, sa ou malamalama atili ia te ia.
Sa ou lagona le pei o se faiaoga moni ina ua ou faaliliu mo Elder Haines. Sa ia fai mai na ia lagonaina le mautinoa e mafai ona ia faamanuiaina le faamanatuga i le faaSiamani e faafetai ai i la‘u fesoasoani. Sa ou maua ai se lagona mafanafana ma le lelei i totonu e mafai ona ou fesoasoani ai i se faifeautalai.
Ata na tusia e Jim Madsen