Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o le fiafia!
Magoto pe Opeopea?
Mo le Kenese 6–11; Mose 8
Tala: Na ta’u atu e le Atua ia Noa ia fausia se vaa tele e ta’ua o le vaa o Noa. Ina ua i ai se lolo tele, sa nonofo Noa, lona aiga, ma manu i totonu o le vaa a o faaopeopea i luga o le vai, ma sa saogalemu i latou. O le asō, e mafai ona tatou saogalemu e ala i le mulimuli i le perofeta.
Pese: Fuaiupu tolu o le “Mulimuli i le Perofeta” (Tusipese a Tamaiti, 58)
Gaoioiga: Faatumu se pesini i le vai. Feauauai i le tuuina o laulaau, maa, ma isi aitema e le susu i totonu o le vai. Pe o latou opeopea pe magoto? Soo se taimi lava e opeopea ai se mea, ta’u atu se mea e mafai ona e faia e mulimuli ai i le perofeta.
Talita Amiotonu
Mo le Kenese 12–17; Aperaamo 1–2
Tala: Na ta‘u atu e le Atua i le perofeta o Aperaamo, “Aua le fefe … O A’u o lou talita” (Kenese 15:1). Sa ia ta‘u atu ia Aperaamo o le a Ia fesoasoani ma puipuia o ia.
Pese: “Ou Te Fiaola i le Talalelei,” (Tusipese a Tamaiti, 72)
Gaoioiga: Tusi se ata pe fai se talita. Tusi i luga o lau talita auala e mafai ai ona e usitai i le Atua.
Tausi Poloaiga
Mo le Kenese 18–23
Tala: Ua tuuina mai e le Tama Faalelagi ia i tatou poloaiga e fesoasoani ia i tatou ma tausia i tatou ia saogalemu. Sa ta‘u atu e agelu i se tagata e igoa ia Lota e tuua lona fale i se aai amioleaga. Ona sa faalogo ma usitai Lota, sa ia tumau ai i le saogalemu.
Pese: “Tausi Poloaiga” (Tusipese a Tamaiti, 68–69).
Gaoioiga: Ia fai se taaloga! Feauauai e avea ma taitai. E ta‘u atu e le taitai i isi e fai taga, e pei o le “puna i luga ma lalo” po o le “tamoe i se li’o.” O isi tagata uma e mulimuli ia i latou. E mafai faapefea e le mulimuli i poloaiga ona fesoasoani ia te oe?
Agalelei i Kamela-e-Sefulu
Mo le Kenese 24–27
Tala: Sa fesoasoani Repeka i le auauna a Aperaamo e ala i le aumaia o le vai mo ana kamela e 10 (tagai i le Kenese 24:10–20). Sa faafetai le auauna a Aperaamo mo lona agalelei.
Pese: “O Loo Ou Taumafai e Avea e Pei o Iesu” (Tusipese a Tamaiti, 40–41)
Gaoioiga: E mafai ona e auauna atu e pei o Repeka! Tusi ni kamela se 10 (tagai itulau 12 e aoao ai pe faapefea). Faatautau i latou i le mea e mafai ona vaai i ai lou aiga. O taimi taitasi e te faia ai se mea agalelei mo se isi tagata, valivali se kamela.
Ata na tusia e Katy Dockrill