Ngaahi Nima Fie Tokoni ‘i he funga ʻo e Māmaní
Feʻiloaki mo ʻAnimanimei ʻAivolī Kousi
Fe‘iloaki mo e fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Fekau ʻaki Kotoa Pē mo ʻAnimani
Taʻu motuʻá:12
Lea fakafonuá: Faka-Falanisē
Ngaahi taumuʻá mo e fakaʻānauá: 1) Ako fekauʻaki mo e ngaahi fonua kehé mo e ngaahi anga fakafonuá. 2) Ngāue fakafaifekau taimi kakato.
Fāmilí: Tangataʻeikí, mali hono ua ʻo e tangataʻeikí mo ha fānau ʻe toko nima.
Ko e Nima Fie Tokoni ʻo ʻAnimaní.
ʻOku tokoni ʻa ʻAnimani ʻaki ʻene fakafonu e talamu vai ʻoku fakaʻaongaʻi ʻe hono fāmilí ki he foó. ʻOkú ne tokoni foki ki hono fāmilí ʻi honau falekoloá. ʻOkú ne tafi, fakamaʻa, mo fakafonu e ngaahi funga laupapá. ʻOkú ne faitotonu ki he kau kasitomaá.
ʻOku feinga maʻu pē ʻa ʻAnimani ke hoko ko ha faʻifaʻitakiʻanga lelei. Taimi ʻe niʻihi ʻoku fakakata ʻaki ia ʻe he kakaí ʻi he ʻikai ke inu kava mālohí. Ka ʻoku poupouʻi ia ʻe ha niʻihi kehe ʻi he taimi ʻokú ne taukapoʻi ai ʻa e meʻa ʻoku totonú. ʻOkú ne pehē ʻoku hanga ʻe heʻene fakahoko e meʻa ʻoku totonú ʻo ʻai ia ke ne ongoʻi hangē ʻokú ne ikuna ha palé! Ko ha tīkoni ʻa ʻAnimani. ʻOku saiʻia he tufa sākalamēnití koeʻuhí ʻoku tokoni ia ke manatuʻi ʻe he kakaí ʻa Sīsū.
Ngaahi Meʻa ʻOku Manako Taha ai ʻa ʻAnimaní
Talanoa fekauʻaki mo Sīsuú: ʻI he taimi naʻá Ne lotu ai ʻi he Ngoue ko Ketisemaní
Hiva ʻa e Palaimelí: “ʻA e Fānau Kotoa ʻi he Māmaní” (Tohi Hiva ʻa e Fānaú, 4)
Meʻakaí: Foutou (manioke mo e siaine ʻoku laiki)
Lēsoni ʻi he Akó: Lea Faka-Falaniseé
Tā Fakatātā ʻa Dani Jones