Tohi ʻe Koe
Faiako mei he Kaumeʻá
ʻI ha ʻaho ʻe taha, naʻe haʻu ai ʻa ʻEletā mo Sisitā Hainisi ki hoku ʻapí. Naʻe fie maʻu ʻe ʻEletā Hainisi ʻeku tokoní. ʻOkú ne lava ʻo lau e ngaahi lea faka-Siamané ka ʻoku ʻikai mahino ki ai honau ʻuhingá. Naʻá ne maʻu ha talanoa ʻi he Liahona Kleiner (Friend) peá ne lau mai ia kiate au ʻi he lea faka-Siamané. Naʻá ku liliu ia ki he lea faka-Pilitāniá koeʻuhí ke ne ʻiloʻi e meʻa naʻá ne laú. Naʻá ma hoko ko ha timi lelei!
Neongo ʻoku ʻikai ke ne fakakaukau pehē, ka ʻoku lau lelei ʻe ʻEletā Hainisi ʻa e lea faka-Siamané. Naʻe tuʻo taha pē haʻaku talaange, “ʻOku ʻikai ke u ʻilo ʻe au e meʻa naʻá ke lea ʻakí.” Hili hono tokoniʻi ia ʻe heʻeku faʻeé ʻi heʻene puʻaki lea faka-Siamané, naʻe toe mahino lelei ange ʻene laukongá kiate au.
Naʻá ku ongoʻi ne u hangē ha faiako moʻoní ʻi he taimi naʻá ku liliu lea ai maʻa ʻEletā Hainisí. Naʻá ne pehē naʻá ne ongoʻi fakapapau te ne lava ʻo tāpuakiʻi ʻa e sākalamēnití ʻi lea faka-Siamané koeʻuhí ko ʻeku tokoní. Naʻá ne ʻai ke u ongoʻi lelei mo fiefia ʻi hoku lotó ʻi heʻeku lava ʻo tokoni ki ha faifekaú.
Tā fakatātā ʻa Jim Madsen