Tusigamanatu o le Konafesi
O Se Tamaitiiti Laitiiti
Na talanoa Peresitene Eyring e uiga i le Tupu o Peniamina, o ia sa tu i luga o se olo e aoao atu lona nuu. Na aoao mai le Tupu o Peniamina e tatau ona avea i tatou e pei o se tamaitiiti. O lona uiga e tatau ona tatou faalagolago i le Tama Faalelagi ma ia usiusitai ma agaalofa. Pe a avea i tatou e pei o se tamaitiiti, ua tatou avea atili faapei o Iesu Keriso.
O lea mea ua aoaoina ai a’u:
Pei se Tapasa
Sa talanoa Elder Bednar e uiga i feagaiga, po o folafolaga tatou te osia ma le Atua. Sa ia fai mai o feagaiga e pei o se tapasa e fesoasoani tatou te iloa ai le ala e o ai. E pei lava o se tapasa e faasino i matu, o a tatou feagaiga e faasino atu i tatou ia Iesu Keriso. O le osia ma le tausia o feagaiga e fesoasoani tatou te latalata atili atu ai ia te Ia.
O lea mea ua aoaoina ai a’u:
Soka po o le Lotu?
Fai mai Elder Gavarret ina ua 12 ona tausaga, na te le’i alu i le lotu i le vaiaso e tasi ina ia mafai ai ona ia taalo soka ma ana uo. Mulimuli ane, sa talosagaina o ia e se taitai o le Ekalesia e fesoasoani e aoao atu se lesona i le tausia o le paia o le aso Sapati. Na aoaoina e Elder Gavarret o le Aso Sa o se aso taua e taulai atu ai i le Tama Faalelagi.
O lea mea ua aoaoina ai a’u:
O Se Eseesega Tele
Sa faamatala e Sister Aburto se tala e uiga i se tamaitiiti na totogiina le sefuluai. O taimi uma lava na te totogia ai se talā se tasi, sa ia mafaufau o le a fausia ai se fale atoa o le Ekalesia! I ni tausaga mulimuli ane, sa ia iloa ai e sili atu ma se talā na alu e fausia ai se fale se tasi. Ae na aoao mai Sister Aburto e oo lava i a tatou taumafaiga laiti e mafai ona faia se eseesega tele.
O lea mea ua aoaoina ai a’u: