Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o le fiafia!
Fausia se Falefetafa‘i
Mo le Esoto 35–40; Levitiko 1; 16; 19
Tala: Sa fetalai atu le Alii ia Mose ma lona nuu e fau se falefetafa‘i. O le falefetafa‘i ua faapei o se malumalu. Na ta‘u atu e le Alii ia i latou e fau e pei o se faleie ina ia mafai ona latou aveina faatasi ma i latou a o latou malaga atu i le nuu folafolaina. E mafai ona e faitau i ai i le Esoto 39:33–43.
Pese: “Ou te Fia Vaai i le Malumalu,” (Tusipese a Tamaiti, 99)
Gaoioiga: Fau se faleie e pei o le falefetafa‘i. E mafai ona e faaaogaina palanikeke, solo, nofoa, ma soo se isi lava mea i lou fale. Ona nofo lea i totonu o lou faleie ma talanoa pe aisea e taua ai malumalu. Pe e mafai foi ona e faia se tamai falefetafa‘i i poloka po o isi mea.
Taaloga o le lotofaafetai
Mo le Numera 11–14; 20–24
Tala: O nisi taimi e galo ai ia Isaraelu le ala na fesoasoani ai le Alii ia i latou. E finagalo le Atua ia tatou manatua ia lotofaafetai. E tatou te fiafia ai foi!
Pese: “E Alofa Lo’u Tama Faalelagi Ia Te A’u” (Tusipese a Tamaiti, 16–17)
Gaoioiga: Taaalo i se taaloga o le lotofaafetai! Faailoga ni fasilaau i se tasi o lanu e tolu. Ona feauauai lea e filifili se laau. Mo le lanu e tasi, faaigoa se tagata e te faafetai ai. Mo se isi lanu, fai atu se nofoaga e te faafetai ai. Mo le lanu lona tolu, fai atu se mea e te faafetai ai.
Paso o le Faapotopotoina o Isaraelu
Mo le Teuterenome 6–8; 15; 18; 29–30; 34
Tala: E alofa le Atua i Ana fanau uma. E finagalo o Ia ia latou potopoto faatasi i Lana Ekalesia. O se vaega o le faapotopotoina o Isaraelu o le toe aumaia lea o fanau a le Atua ia te Ia (tagai Teuteronome 30:3).
Pese: “Isaraelu, Ua Valaau Mai le Atua,” (Viiga, nu. 6)
Gaoioiga: Oti ese fasi paso i le itulau 27. Ona tuu atu lea i se tasi e nanā fasipaso faataamilo i le potu. Tuu atu i isi tagata uma e saili mo fasi paso. A uma loa ona aoina vaega uma, ona tuufaatasi lea o le paso. Aisea ua finagalo ai le Atua ia toe foi atu Ana fanau uma ia te Ia?
Maa Faamanatu
Mo le Iosua 1–8; 23–24
Tala: Sa fesoasoani le Atua ia Iosua e vaelua le Vaitafe o Ioritana ina ia mafai ai e tagata ona savavali i luga o le eleele matutu. Ona fetalai atu lea o le Atua ia Iosua ma lona nuu e ao mai ni maa mai le vaitafe ia manatua ai pe na faapefea ona fesoasoani le Atua ia i latou (tagai Iosua 4:5–7).
Pese: “A I Ai le Alofa” (Tusipese a Tamaiti, 76)
Gaoioiga: Saili maa e vali pe valivali. Tusi le upu manatua i luga o maa. A o e teuteuina i latou, talanoa e uiga i auala na fesoasoani ai le Atua ia te oe.
Ata na tusia e Katy Dockrill