O Se Savali o le Konafesi mai le Perofeta

Mauaina o le Filemu i Lou Loto

Saunia e Peresitene Russell M. Nelson

Sii mai le “Tala’i Atu le Talalelei o le Filemu” ma le “O Le Mana o le Malosiaga Faaleagaga,” Liahona, Me 2022.

Ou te alofa ia te outou ma tatalo mo outou i aso uma. E tele faigata i le lalolagi. O feteenaiga ma le faama‘i pipisi ua aafia ai le toatele o tagata. E manaomia e le lalolagi le fesoasoani.

O Iesu Keriso o le Aloalii o le Filemu. O Lana talalelei ua na o le pau lea o le auala tumau e maua ai le filemu. I le taimi nei ua sili atu nai lo se isi lava taimi, tatou te manaomia le filemu e na o Ia e mafai ona aumaia.

E tatau i soo o Iesu Keriso ona faia le faataitaiga mo le lalolagi atoa e mulimuli ai. E mafai faapefea ona tatou faamoemoe e i ai le filemu i le lalolagi sei vagana ua tatou sailia le filemu i o tatou lava olaga? E leai se tasi e mafai ona pulea amioga a isi. Ae e mafai ona tatou pulea i tatou lava.

Faamolemole ia faia mea uma e te mafaia e faamuta ai feteenaiga i lou olaga. Ia lotomaualalo, lototele, ma malosi. O le a fesoasoani lena ia te oe e faamagalo atu ai i isi ma saili ai le faamagaloga pe a e faia se mea sese. Ole atu mo le mana mai ia Iesu Keriso ma Lana Togiola e fesoasoani ia te oe.

O Iesu o le Keriso! O loo Soifua o Ia! E alofa o Ia ia te oe ma o le a fesoasoani ia te oe.

feteenaiga: finauga po o feeseeseaiga

“O lo‘u valaauga o le faamutaina lea o feteenaiga i lou loto ma lou olaga.”

Peresitene Russell M. Nelson

Faauma le Tala

O le a lau mea e fai pe a tupu se feteenaiga ma se uso, tuafafine/tuagane, po o se uo? Filifili se tasi o ata o loo i lalo ifo. Ona tusi lea o se ata pe tusi e uiga i auala e mafai ona e maua ai le filemu.

Fautuaga mo le Faatupuina o le Filemu

• Fai se malologa e faatoafilemu ai.

• Ia Manatua o tagata uma o fanau a le Atua.

• Faaaoga se leo filemu.

• Mafaufau pe o a lagona o le isi tagata.

• Talanoa i se matua.

• Tatalo.

• Faitau se tala mai tusitusiga paia.

• Fai atu “Ou te faamalie atu” po o le “Ou te faamagalo ia te oe.”