O Se Tatalo i le Afā
PA! Sa pa le faititili i fafo. Sa lafi Alesi i lalo o lana palanikeke. Ae sa lei taofia ai le faititili. Sa tetete Alesi. Ona ia tu lea i luga e su’e Tama.
“Tama,” o lana tala lea. “Ua ou fefe.”
Na tuu atu e Tama se opo ia Alesi. “Ou te faamalie atu,” o lana tala lea. “Ou te iloa o faititili e mafai ona taufaafefe. Ae o loo tatou saogalemu i totonu o lo tatou fale.”
Sa mafaufau Alesi i lena mea. “Ou te le lagonaina le saogalemu i le taimi nei. E mafai ona ta faia faatasi se tatalo?”
“O se manatu lelei lena.”
Sa tootutuli Alesi ma Tama i o la tulivae. Sa aapa atu Tama mo lona lima. Sa ia uuina a o ia tatalo.
“Tama Faalelagi pele, faamolemole fesoasoani ia Alesi ia lagona le saogalemu mai le afā.”
Sa uu mau e Alesi le lima o Tama. Sa lagona e lona loto le mafanafana. Sa le toe fefe o ia.
“Ua lelei la’u faalogo,” o le tala lea a Alesi.
“Lelei,” o le tala lea a Tama. “Ia e tatau ona e toe alu e te moe.”
Sa tolotolo atu Alesi i le moega. Sa toso a‘e e Tama lana palanikeke e oo i lona auvae. Sa sogi atu o ia i lona muaulu.
“Ou te alofa ia te oe, Tama” o le tala lea a Alesi. “Faafetai mo le tatalo faatasi ma a’u.”
Sa ataata Tama. “E le afaina. Ou te alofa foi ia te oe.”
Ata na tusia e Alessia Girasole